हार्दिकच्या घरी चिमुकल्या पावलांच आगमन, शेअर केला फोटो
हार्दिक पांड्याच्या घरी चिमुकल्याचं आगमन...
)
मुंबई : भारतीय क्रिकेट संघाचा खेळाडू हार्दिक पांड्याच्या घरी एका चिमुकल्याचं आगमन झालं आहे. हार्दिक पांड्या बाबा बनला आहे. हार्दिकची पत्नी नताशाने एका गोंडस मुलाला जन्म दिला आहे. हार्दिकने स्वत: सोशल मीडियावर ही गोड बातमी शेअर केली आहे.
हार्दिक आणि नताशा सोशल मीडियावर ऍक्टिव्ह असतात. दोघंही एकमेकांसोबतचे अनेक फोटो शेअर करतात. गेल्या काही दिवसांपूर्वी नताशाच्या बेबी शॉवरचे फोटो सोशल मीडियावर व्हायरल झाले होते. हार्दिक आणि नताशा, आई-बाबा झाल्यानंतर त्यांच्या या आनंदात अनेक जणांकडून शुभेच्छांचा वर्षाव होत आहे. अभिनेता रितेश देशमुखनेही हार्दिक-नताशाचं, आयुष्याच्या या नव्या, सुंदर टप्प्यांवर स्वागत करत त्यांना शुभेच्छा दिल्या आहेत.
हार्दिक शुभकामनाएँ!!! Welcome to the best phase of your life. Wishing the best of health to the baby, the mother & the entire family. God bless You All https://t.co/GHYKokxH4a
— Riteish Deshmukh (@Riteishd) July 30, 2020
हार्दिक पांड्याने 1 जानेवारी 2020 रोजी, सर्बियाची नागरिक आणि बॉलिवूड अभिनेत्री नताशा स्टॅनकोविचशी दुबईमध्ये साखरपुडा केला होता.