'स्पाईस जेट'नंतर 'इंडिगो'ची हवाई सफर आणखी स्वस्त

नवी दिल्ली :  तुम्हाला आता स्पाईस जेटपेक्षाही कमी पैशात इंडिगोने हवाई प्रसास करता येणार आहे, ताकण इंडिगोने आणखी कमी दरात हवाई सफर करण्याची संधी उपलब्ध करून दिली आहे.

हवाई वाहतूक कंपन्यांमध्ये तिकिट दरांवरून मोठी स्पर्धा सुरू असून बुधवारी स्पाईसजेटने व्हॅलेंटाईन डे निमित्ताने सर्व करांसहित १५९९ रुपयांमध्ये तिकिट जाहीर केल्यानंतर इंडिगोनेही त्यापेक्षा १०० रुपयांनी कमी म्हणजेच १४९९ रुपयांत हवाई सफर करण्याची संधी दिली आहे.

इंडिगोच्या वतीने देण्यात आलेल्या या सवलतीच्या तिकिटासाठी ९० दिवस अगोदर तिकिट नोंदणी करणे आवश्‍यक आहे. 

बुधवारी स्पाईसजेटने सर्व उड्डाणांसाठी किमान तिकिट दर हे १५९९ केले आहे. याबाबत बोलताना स्पाईसजेटचे कनेश्‍वरम अविली म्हणाले की, "२०१५ मधील पहिल्या सवलतीला मिळालेल्या प्रतिसादामुळे आम्हाला प्रोत्साहन मिळाले असून यावरून स्पाईसजेटवर लोकांचा भरोसा अद्यापही कायम असल्याचे दिसून आले आहे. यामुळेच आम्ही व्हॅलेंटाईन डेची सवलत जाहीर केली आहे. 

स्पाईसजेटने विमान प्रवाश्‍यांना मोठ्या प्रमाणात सवलती देऊ केल्या असून त्यामध्ये दोन महानगरांदरम्यान चांगला प्रवास, परतीच्या तिकिटाचे विविध पर्याय तसेच छोट्या शहरांमध्ये चांगल्या संपर्कांसारख्या उपक्रमांची घोषणा केली आहे.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.