झी युवा वाहिनीची 'बन मस्का' पहिली झलक

मुंबई :  २२ ऑगस्टला महाराष्ट्रातील प्रेक्षकांच्या भेटीला झी युवा वाहिनी येणार आहे. या वाहिनीवरील पहिल्या मालिकेची झलक तुम्ही उत्सूक असाल. झी युवावरील बन मस्का या मालिकेचे शीर्षक गीत नुकताच सर्वत्र प्रदर्शित झाले आहे. ह्या शीर्षक गीताला प्रेक्षकांनी उदंड प्रतिसाद दिला आहे. अवघ्या काही तासातच तब्बल ५० हजारहून अधिक लोकांनी गाणं पाहिले आहे.

महाराष्ट्राचा लाडका जसराज जोशी आणि बन मस्का या गाण्याद्वारे संगीत क्षेत्रात पदार्पण करणाऱ्या सोनिया मुंढे यांनी हे गाणं गायले आहे. मराठी आणि हिंदी चित्रपटसृष्टीत आपला ठसा उमटवलेले महेश लिमये यांनी या गाण्याचे छायाचित्रण केले आहे. शिवानी रांगोळे आणि शिवराज वैचल हे या मालिकेत मुख्य भूमिकेत आहेत.