ऑडीचे नवीन मॉडेल `एस६`

www.24taas.com,झी मीडिया,नवी दिल्ली

लक्झरी कार बनवणारी जर्मन कंपनी ऑडीने भारतीय बाजारात नवीन मॉडेल ऑडी एस-६ लाँच केली आहे. कंपनीने या कारमध्ये ४ लीटरची क्षमता असलेल्या टीएफएसआय वी८ चे दमदार इंजिन बसवले आहे.. ही कार ४२०पीएस ची पॉवर देते.

ऑडीच्या या नव्या कारची किंमत ८५.९९ लाख रुपये इतकी आहे. आकर्षक आणि दमदार इंजिनची क्षमता असलेल्या या कारमध्ये ७ स्पीड ड्युअल क्लच आणि एस ट्रॉनिक गिअर बॉक्सजचा वापर करण्यात आलाय. या कारचा पिकअपही चांगला आहे. कंपनीने असा दावा केलाय की, ऑडी एस६ ही कार ४.६ सेकंदात १०० किलोमीटर प्रतितासाचा वेग पकडू शकते. ऑडी एस६ या गाडीचा जास्तीत जास्त वेग २५० किलोमीटर प्रतितास इतका आहे.