शिर्डीमध्ये गुरूपौर्णिमा उत्सवाची धामधूम सुरू, पाहा फोटो

मुंबई : आषाढ पौर्णिमेस गुरूपौर्णिमा किंवा व्यासपौर्णिमा असे म्हणतात. महर्षी व्यास हे भारतीय संस्कृतीचे शिल्पकार आणि मूलाधार मानले जातात. भारतीय संस्कृतीमध्ये गुरू-शिष्य या नात्याला फार मोलाचे स्थान आहे. शिर्डीमध्ये गुरूपौर्णिमेच्या उत्सवास सुरूवात झाली आहे. गुरूपौर्णिमेच्या शुभ मुहूर्तावर साईबाबांचे मंदिर, व्दारका माई, चावडी धाम पूर्णपणे फुलांनी सजवण्यात आली आहे. संपूर्ण मंदिराला फुलांमध्ये सजवण्यासाठी एकूण ६ लाखांचा खर्च करण्यात आला आहे. या खर्चाची जबाबदारी एका साई भक्ताने पार पाडली आहे. हा भक्त अमेरिकेचा असल्याचे सांगण्यात येत आहे.