IPL 2022 | पंजाब किंग्समध्ये या स्टार बॅट्समनची एन्ट्री

मुंबई : पंजाब किंग्सने (PBKS) आयपीएलच्या 15 व्या मोसमाची (IPL 2022) सुरुवात विजयाने केली. पंजाबने आपल्या सलामीच्या सामन्यात आरसीबीवर (RCB) 5 विकेट्सने विजय मिळवला. या पंजाब टीमसाठी आनंदाची बातमी समोर आली आहे. पंजाब टीमसह त्यांचा स्टार खेळाडू जोडला गेला आहे. पंजाब फ्रँचायजीने ट्विट करत याबाबतची माहिती दिली आहे. (ipl 2022 pbks jonny bairstow join punjab kings squad)

जॉन बेयरस्टोची एन्ट्री

पंजाबच्या गोटात स्टार विकेटकीपर बॅट्समन जॉनी बेयरस्टोची (jonny bairstow) एन्ट्री झाली आहे. बेयरस्टो सध्या नियमांनुसार क्वारंटाईन आहे. पंजाब या मोसमातील पुढील सामना हा कोलकाता विरुद्ध खेळणार आहे.

बेयरस्टो क्वारंटाईन असल्याने त्याचं या सामन्यात खेळणं अवघड आहे. मात्र टीमच्या तिसऱ्या सामन्यनात तो निवडीसाठी उपलब्ध असू शकतो. पंजाबचा तिसरा सामना हा 3 एप्रिलला चेन्नई विरुद्ध होणार आहे. 

पंजाबने बेयरस्टोला 6 कोटी 75 लाख रुपये मोजून आपल्या ताफ्यात घेतलं. बेयरस्टोला मेगा ऑक्शननंतर पंजाब टीममध्ये सहभागी होता आलं नाही. त्याचं कारणही तसंच होतं. 

इंग्लंड टीम वेस्टइंडिज दौऱ्यावर होती. या दोन्ही संघात कसोटी मालिका खेळवण्यात आली. ही कसोटी मालिका संपताच आता बेयरस्टो थेट मुंबईला पोहचून आपल्या टीमसह जोडला गेला आहे.