जो बायडेन यांचा श्रीमंताना धक्का, अमेरिकेचे 6 ट्रिलियन डॉलरचे बजेट

वॉशिंग्टन : अमेरिकेचे अध्यक्ष जो बायडेन यांनी आपले पहिला वार्षिक अर्थसंकल्प सादर केला आहे. 6 ट्रिलियन डॉलर्सच्या या अर्थसंकल्पातील सर्वात जास्त तरतूद पेंटागॉन आणि इतर सरकारी कार्यालयांच्या कामकाजासाठी करण्यात आली आहे. यानंतर हवामान बदलांवर नियंत्रण ठेवण्याच्या दृष्टीने अर्थसंकल्पात 800 अब्ज डॉलर्सची तरतूद करण्यात आली आहे. अध्यक्ष जो बायडेन यांचे हे पहिले बजेट आहे. हे बजेट सादर करताना त्यांनी श्रीमंतांना धक्का दिला आहे. कारण त्यांच्याकडून अधिक कर वसूल करण्यास सांगण्यात आले आहे.

कॉंग्रेसची मंजुरी आवश्यक

CNNच्या अहवालानुसार जो बायडेन यांनी सादर केलेल्या अर्थसंकल्पाला कॉंग्रेसची मंजुरी मिळणे बाकी आहे. त्याचबरोबर माजी राष्ट्रपती डोनाल्ड ट्रम्प यांच्या रिपब्लिकन पक्षाने अर्थसंकल्पावर प्रश्नचिन्ह उपस्थित करत म्हटले आहे की, यामुळे देश कर्जाच्या खाईत बुडेल. रिपब्लिकन सिनेटचे सदस्य लिंडसे ग्रॅहम यांनी बजेटवर प्रतिक्रिया व्यक्त करताना म्हटले आहे की,  2031 पर्यंत जीडीपीच्या 117 टक्के कर्ज हे दुसर्‍या महायुद्धानंतरचे सर्वोच्च आहे.

अर्थसंकल्पात या मुद्द्यांवर भर 

अध्यक्ष जो बिडेन यांनी कोरोना साथीच्या आजाराशी संबंधित असलेल्या तरतुदींबरोबरच अर्थसंकल्पात अनेक महत्त्वाच्या मुद्द्यांना प्राधान्य दिले आहे. ज्यामध्ये हवामान बदल, शिक्षण, औषध, सार्वजनिक वाहतूक आणि तंत्रज्ञान यांचा समावेश आहे. व्हाईट हाऊसचे म्हणणे आहे की, या अर्थसंकल्पामुळे अर्थव्यवस्थेतील मंदीचे सावट दूर होईल आणि त्याला गती मिळेल. हा अर्थसंकल्प प्रत्येक दृष्टीने एक आदर्श अर्थसंकल्प आहे.

किती केली तरतूद

अर्थसंकल्पात हवामान बदल या सामोरे जाण्यासाठी आणि स्वच्छ ऊर्जासाठी  800 अब्ज डॉलर्सची तरतूद करण्यात आली आहे. त्याचबरोबर तीन आणि चार वर्षांच्या मुलांना मोफत शिक्षण देण्यासाठी अर्थसंकल्पात 200 अब्ज डॉलर्सची तरतूद करण्यात आली आहे. सर्व नागरिकांसाठी सामुदायिक महाविद्यालयाच्या दोन वर्षांसाठी  109 अब्ज डॉलर्स, राष्ट्रीय पगाराच्या कुटूंब व वैद्यकीय सुट्टीच्या कार्यक्रमासाठी 225 अब्ज डॉलर्स, रस्ता व पूल इत्यादींसाठी 115 अब्ज, सार्वजनिक वाहतुकीसाठी 160 अब्ज आणि ब्रॉडबँड इंटरनेट प्रत्येक अमेरिकनपर्यंत पोहोचण्यासाठीं बजेटमध्ये १०० अब्ज डॉलर्सची तरतूद करण्यात आली आहे.