या अफवेमुळे शिंजो आबे यांची हत्या, नाहीतर ते आज जिवंत असते

टोकियो : जपानचे माजी पंतप्रधान शिंजो आबे यांच्यावर गोळ्या झाडणाऱ्या व्यक्तीने आता नवा खुलासा केला आहे. पोलिसांनी दिलेल्या माहितीनुसार, 41 वर्षीय हल्लेखोर तेत्सुया यामागामी याने आबे यांना ठार मारण्याचा कट रचला कारण राग आणणाऱ्या संघटनेशी आबे हे संबंधित असल्याच्या अफवांवर आरोपीने विश्वास ठेवला. जपानी मीडियानुसार, हल्लेखोराचा एका धार्मिक गटाबद्दल द्वेष होता.

आरोपीची आई त्या समूहाशी एकनिष्ठ होती. अहवालात त्या गटाचे नाव पुढे आलेले नाही. दरम्यान, रविवारी 245 वरच्या सभागृहातील 124 जागांसाठी जपानमध्ये मतदान होणार आहे. शनिवारी आबे यांचे पार्थिव त्यांच्या मूळ गावी टोकियो येथे आणण्यात आले. मंगळवारी त्यांच्यावर अंत्यसंस्कार होणार आहेत.

पोलिसांनी दिलेल्या माहितीनुसार, पोस्टमार्टम रिपोर्टमध्ये आबे यांच्या डाव्या हाताच्या वरच्या भागाला गोळी लागल्याचे स्पष्ट झाले आहे. त्यामुळे कॉलर बोनच्या खाली असलेल्या दोन्ही धमन्यामधून मोठ्या प्रमाणात रक्तस्त्राव सुरू झाला.

कमी सुरक्षा यंत्रणा मृत्यूचे कारण ठरली

या घटनेचा व्हिडिओ पाहिल्यानंतर काही विश्लेषकांनी असेही म्हटले आहे की, आबे निवडणूक रॅलीला संबोधित करत असताना त्यांच्या पाठीमागे असलेल्या मोकळ्या जागेत कमी सुरक्षा होती. घटनेच्या वेळी सुरक्षा विखुरलेली होती आणि माजी पंतप्रधानांसाठी अपुरी होती. सुरक्षा कर्मचाऱ्यांनी यामागामीला शिंजो आबे यांच्यामागे मोकळेपणाने फिरू का दिले आणि त्यांच्या मागे का जाऊ दिले, याचा शोध घेण्याची गरज असल्याचं काही जणांचं म्हणणं आहे.

तज्ज्ञांच्या म्हणण्यानुसार, प्रचाराच्या वाहनाऐवजी मोकळे उभे राहून आबे हे उपस्थितांना संबोधित करत होते. त्यामुळे त्यांना लक्ष्य करणे सोपे झाले.

गोळी बुलेटप्रूफ ब्रीफकेसला लागली असती तर ते वाचले असते.

या घटनेच्या व्हिडिओमध्ये हल्लेखोर यामागामी बंदुकीने गोळीबार करताना दिसत आहे, परंतु आबे यांना गोळी लागल्याचे दिसत नाही. पण त्यातून धूर निघतो. आवाज कुठून आला हे पाहण्यासाठी आबे मागे वळतात. दरम्यान, हल्लेखोराने दुसरी गोळी झाडली, जी त्याच्या डाव्या हाताला लागली. गोळी आबे यांच्या मागे लागली आणि ते जमिनीवर कोसळले.