युरोपमध्ये युद्धाची शक्यता, रशियाने तैनात केले युक्रेन जवळ 80 हजार सैनिक

ब्रुसेल्स : रशिया आणि पश्चिम देशांमध्ये पुन्हा तणावाचे वातावरण पाहायला मिळत आहे. (Russia and Western countries are again in a state of tension) पुन्हा एकदा युक्रेनमुळे युरोपमध्ये युद्धजन्य परिस्थिती निर्माण झाली आहे. वस्तुतः रशियाने संपूर्ण युरोपमधील जोनवास प्रदेशात आपल्या सैन्यात मोठीत वाढ केली आहे. असे सांगितले जात आहे की रशियाने हे सैन्य युक्रेनमधील क्रीमियासह इतर विद्रोही भागात पाठविले आहे, रशियांने आपल्या समर्थकांच्या समर्थनार्थ हे सैन्य पाठवले आहे. आवश्यक पडल्यास युक्रेनमध्ये प्रवेश करुन तेथे हलला करु शकते, अशी स्थिती निर्माण झाली आहे.  

रशियाने आपल्या हजारो टॅंक आणि 80 हजार सैनिक क्रीमिया, डोनेट्स्क आणि लुहेन्स्कला लागून असलेल्या भागात पाठवले आहेत. सॅटेलाइट छायाचित्रानुसार रशियाने या भागात आपले टँक, चिलखत वाहने सैन्य पाठवले असून आदेश  मिळाल्यावर युक्रेनवर हल्ला करु शकतात.  तथापि, युक्रेनने रशियापासून बचाव करण्याच्या तयारीत वेग वाढवला आहे. (Russia has sent thousands of its tanks and 80 thousand soldiers to areas adjoining Crimea, Donetsk and Luhansk.)

रशियाच्या वाढत्या दबावाखाली युक्रेनचे अध्यक्ष सीमावर्ती भागाला भेट देऊन सैन्यासमवेत वेळ घालवला आहे. त्यांनी सीमेवर सैनिकांसाठी बांधलेले बंकर आणि फाइटिंग झोनमध्ये खोदलेले  बंकर पाहिले.  युक्रेननेही या भागात बरेच सैन्य तैनात केले आहे.  NATOकडूनही त्यांना मदत मिळण्याची अपेक्षा आहे.

युक्रेन हा नाटो ( NATO)आघाडीचा भाग आहे. नाटो युतीमध्ये अमेरिका, फ्रान्स, इंग्लंडसह जगातील 35 देशांचा समावेश आहे. नाटोनेही युक्रेनला सुरक्षेचे आश्वासन दिले आहे. यासाठी युक्रेनच्या परराष्ट्रमंत्र्यांनी नाटोच्या मुख्यालयात नाटोच्या सरचिटणीस जेन्स स्टॉल्टनबर्ग यांची भेट घेतली. या दोघांनीही ब्रुसेल्समध्ये संयुक्त पत्रकार परिषदेला संबोधित केले आणि नाटो आघाडीने म्हटले आहे की, युक्रेनच्या संरक्षणासाठी सर्व शक्य पावले उचलली जातील.

नाटोनेही रशियावर दबाव आणण्याचा प्रयत्न केला आहे. अमेरिका आणि रशियामध्येही काही काळ मुत्सद्दी संवाद थांबला होता. रशियाने अमेरिकेतून आपले राजदूत माघार घेतले असून, इतर अनेक युरोपियन देशांचे राजदूतही त्यांच्या देशाबाहेर काढले आहेत. 2014मध्ये, रशिया समर्थक गटाने क्रीमिया ताब्यात घेतला. आता त्यास रशियामध्ये समाविष्ट करण्याची तयारी सुरु आहे.

युक्रेनने रशियावर गंभीर आरोप केला आहे. रशिया आमच्या देशात हस्तक्षेप करीत आहे आणि स्थानिक पातळीवर बंडखोरीला प्रोत्साहन देत आहे, असा युक्रेनने रशियावर आरोप केला आहे.  युक्रेनमध्ये लोक सरकारच्या भ्रष्टाचाराविरोधात अनेक ठिकाणी निदर्शने करीत आहेत.  युक्रेनची राजधानी कीवमध्ये ही निदर्शने होत आहेत. ज्यामध्ये सरकारविरोधी निषेधाचे मोठे रुप पाहायाला मिळत आहे.