சோர்விலிருந்து விடுபட இதை ஃபாலோ பண்ணுங்க

சோர்விலிருந்து நாம் விடுபடுவதற்கு நம்மிடம் புழக்கத்தில் இருக்கும் சில வழிகளையே தேர்ந்தெடுத்து அதன் மூலம் சோர்வை விரட்டலாம்.

வேகமாக ஓடும் இந்தக் காலத்தில் அனைவருக்குமே தவறாக வரும் ஒன்று சோர்வு. அதனைப் போக்க பலர் பல வழிகளை தேர்ந்தெடுத்தாலும் அதில் பெரும்பாலும் அவர்கள் வெற்றி காண்பதில்லை. ஆனால் நம்மிடையே புழக்கத்தில் இருக்கும் வழிகளை வைத்தே சோர்வை விரட்டலாம்.

தண்ணீர்:

உடலுக்கு தண்ணீர் போதிய அளவில் இருந்தால்தான் சீராக இயங்கும். உடலில் நீர் சரியான அளவில் இல்லாவிட்டால், உடலியக்கம் குறைந்து, மிகுந்த சோர்வை உண்டாக்கி, கவனச்சிதறலை அதிகரித்துவிடும். எனவே அவ்வப்போது தண்ணீரைக் குடித்தால் எப்போதும் சுறுசுறுப்புடன் இருக்க முடியும்.

உடற்பயிற்சி:

தினமும் காலையில் எழுந்ததும், ஏதேனும் ஓர் உடற்பயிற்சியை செய்து வந்தால், நாள் முழுவதும் சோர்வின்றி சுறுசுறுப்புடன் செயல்படலாம். எனவே ரன்னிங், வாக்கிங், யோகா, சைக்கிளிங் போன்ற எளிமையானசில பயிற்சிகளை அன்றாடம் மேற்கொண்டால் மாற்றத்தை அனுபவிக்கலாம்.

தூக்கம்:

தூக்கமின்மை சோர்வை உண்டாக்குவதோடு, உடலின் ஆரோக்கியத்திற்கும் பாதிப்பை ஏற்படுத்தும். எனவே தினமும் சரியான அளவு தூங்குவதோடு ஒரே மாதிரியான நேரத்தில் தூங்கி எழும் பழக்கத்தைக் கொள்ளுங்கள். இதனால் நாள் முழுவதும் உடலின் ஆற்றல் சீராக இருக்கும்.

அதிகப்படியான எடை:

உடல் எடை அளவுக்கு அதிகமாக இருந்தால், உடலில் ஆற்றல் குறைவாகவே இருக்கும். எனவே உடல் எடையைக் குறைக்க, சரியான டயட் மற்றும் உடற்பயிற்சியை மேற்கொள்ளலாம்.

அடிக்கடி சாப்பிடவும்:

கொஞ்சம் கொஞ்சமாக பலமுறை சாப்பிடவும் மற்றும் சிறு இடைவெளியில் ஏதேனும் ஆரோக்கியமான உணவுப் பொருளை சாப்பிட்டவாறு இருக்கவும். இப்படி சாப்பிடுவதால், உடலில் இரத்த சர்க்கரையின் அளவு சீராக இருக்கும். உடல் எடை அதிகரிக்குமோ என்ற அச்சம் வேண்டாம்.\

அதுமட்டுமின்றி காலை உணவை தவறாமல் சாப்பிட வேண்டும். ஒரு நாளில் காலை உணவுதான் மிகவும் முக்கியமானது. காலை உணவை தவறாமல் உட்கொண்டு வந்தாலே, நாள் முழுவதும் சுறுசுறுப்புடன் செயல்பட முடியும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ