தைராய்டு பிரச்சனைக்கு தீர்வைத் தரும் ‘சூப்’... தயாரிக்கும் முறை!

தவறான பழக்கவழக்கங்கள் மற்றும் உணவு காரணமாக, தைராய்டு பிரச்சனை அதிகரித்து வருகிறது. இந்த நோய் ஆண்களை விட பெண்களில் அதிகம் காணப்படுகிறது. தைராய்டு என்பது கழுத்தில் ஒரு சிறிய பட்டாம்பூச்சி வடிவ சுரப்பி. இது வளர்சிதை மாற்றத்தைக் கட்டுப்படுத்த வேலை செய்கிறது. இது ஒரு சிறிய உறுப்பு என்றாலும், நம் உடல் செயல்பாடுகளில் முக்கிய பங்கு வகிக்கிறது. தவறான வாழ்க்கை முறை மற்றும் உணவுப் பழக்கவழக்கங்கள் தைராய்டு பிரச்சனையை அதிகரிக்கின்றன. தைராய்டு நோய்களில் இரண்டு முக்கிய வகைகள் உள்ளன. அவை ஹைப்போ தைராய்டிசம் என்னும் குறைவான ஹார்மோன்கள் உற்பத்தி நிலை, மற்றும் ஹைப்பர் தைராய்டிசம் என்னும் அதிக ஹார்மோன்கள் உற்பத்தி நிலை ஆகும். 

தைராய்டு காரணமாக, உடல் எடையும் வேகமாக அதிகரிக்கத் தொடங்குகிறது. மறுபுறம், தைராய்டு காரணமாக உடலின் வளர்சிதை மாற்றம் பாதிக்கப்படுகிறது. மறுபுறம், தைராய்டு நோயால் பாதிக்கப்பட்டவர்கள் அதைக் குணப்படுத்த மருந்துகளை எடுத்துக்கொள்ள வேண்டிய நிலையும் ஏற்படுகிறது. தைராய்டு பிரச்சனைகளுக்கும் வாழ்க்கை முறைக்கும் இடையே உள்ள நெருங்கிய தொடர்பு உள்ளது. 

தைராய்டு ஹார்மோன் சமநிலையின்றி இருக்கும்போது, ​​பெண்களுக்கு ஒழுங்கற்ற மாதவிடாய், சோர்வு, பதட்டம் மற்றும் தூக்கமின்மை ஆகியவை ஏற்படுகின்றன. முறையான வாழ்க்கை முறை, உடற்பயிற்சி மற்றும் முறையான உணவு முறை மூலம் தைராய்டை கட்டுப்படுத்தலாம். அதிகரித்து வரும் தைராய்டை கட்டுப்படுத்த குறிப்பிட்ட ஒரு சூப்பை சாப்பிடுவது சிற்ந்த பலன் தரும் என உணவியல் நிபுணர் பரிந்துரைக்கிறார். இந்த சூப் தைராய்டு ஆரோக்கியத்தை மேம்படுத்துவதோடு மட்டுமின்றி, உடல் எடையையும் குறைக்கும். இந்த சூப் எப்படி செய்வது என்று பார்ப்போம்.

சூப்  செய்ய தேவையான பொருட்கள் & தயாரிக்கும் முறை

தைராய்டு ஆரோக்கியத்தை அதிகரிக்கும் சூப் தயாரிக்க கேரட், பாசிப்பருப்பு, உப்பு மற்றும் கருப்பு மிளகு ஆகியவை தேவை. இதைச் செய்ய, ஒரு கடாயில் நெய்யை ஊற்றி அதில் நறுக்கிய கேரட்டை போட்டு வதக்கவும். அதன் பிறகு ஊறவைத்த பருப்பை தண்ணீர் மற்றும் உப்பு சேர்த்து சுவைக்கு தகுந்தாற்போல் கொதிக்க வைக்கவும். நன்றாக வேகும் வரை மூடி வைத்து 10 -15 நிமிடங்கள் சமைக்கவும். நன்றாக ஆறிய பின் இப்போது அதை ஒரு பிளெண்டரில் அல்லது மிக்ஸியில் போட்டு அரைக்கவும்,. தேவைப்பட்டால் சிறிது தண்ணீர் சேர்க்கவும்.  ஒரு பாத்திரத்தில் சூப்பை ஊற்றி மிளகு தூள் சேர்த்து பூசணி மற்றும் சூரியகாந்தி விதைகளால் அலங்கரிக்கவும்.

எடையை கட்டுப்படுத்தும் சூப்

தைராய்டுடன், இந்த சூப் உடல் பருமனையும் குறைக்கும். இந்த சூப்பை தினமும் குடிப்பது நன்மை பயக்கும். தினமும் உணவில் சூப்பை சேர்த்துக் கொண்டால் உடல் பருமன் வேகமாக குறையும். தைராய்டு குறையும் போது, ​​அதன் மற்ற அறிகுறிகளும் படிப்படியாக குணமாகும்.

(பொறுப்பு துறப்பு: எங்கள் கட்டுரை தகவலை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும்.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ