முன்னாள் இஸ்ரோ தலைவர் ஏ.எஸ். கிரண்குமார் திங்கள்கிழமை இரவு ஃபதேபூரில் உள்ள கோயங்கா கோயிலுக்குச் சென்று வழிபட்டார். அப்போது கோவில் நிர்வாகத்தினர் ஏ.எஸ். கிரண்குமாரை வரவேற்று வேண்டிய உதவிகளை செய்து கொடுத்தனர். பின்னர் பீரா பார்ஜி அம்மனுக்கு மரியாதை செலுத்தினர். இஸ்ரோவின் விண்வெளி தொழில்நுட்பம் குறித்து பேசிய கிரண் குமார், "விண்வெளி தொழில்நுட்பத் துறையில் உலகின் முதல் ஐந்து நாடுகளில் இந்தியாவை இஸ்ரோ நிலைநிறுத்தியுள்ளது என்றார். சந்திரயான்-2 தோல்வி இந்தியாவிற்கு ஒரு பாடம். தோல்விகளை கண்டு அச்சப்படாமல், தொடர்ந்து முன்னேறி செல்ல வேண்டும். இந்தியா விரைவில் செவ்வாய் கிரகத்துக்கும் வெற்றிகரமாக பயணம் செய்யும்" என்று ஏ.எஸ். கிரண்குமார் நம்பிக்கை தெரிவித்தார்.
மேலும் படிக்க - UPI மூலம் ரூ. 30,000 உடனடி கடன் வழங்கும் மத்திய அரசு! எப்படி பெறுவது?
யார் இந்த ஏ.எஸ்.கிரண் குமார்?
ஏ.எஸ். கிரண்குமார் கடந்த 2015 முதல் 2018 வரை ISROவின் தலைவராக பணியாற்றினார். அவரது தலைமையில் தான் இந்தியா ஒரே நேரத்தில் 144 செயற்கைக்கோள்களை வெற்றிகரமாக விண்ணில் செலுத்தியது. சந்திரயான்-1ன் வெற்றிக்கும், செவ்வாய் கிரக பயணத்திற்கான மார்ஸ் ஆர்பிட்டர் விண்கலத்தை நிர்மாணிப்பதற்கும் இவரின் பங்கு முக்கியமானது. 2014ல் பத்மஸ்ரீ, 2019ல் பிரெஞ்சு அரசாங்கத்தின் அங்கீகாரம் மற்றும் 2018ல் சர்வதேச வான் கர்மன் விங் விருது உட்பட பல மதிப்புமிக்க விருதுகளை வென்றுள்ளார். மேலும் ISRO தனிநபர் விருது (2006), பாஸ்கர் விருது (2007) மற்றும் ISRO செயல்திறன் விருது (2008) ஆகியவற்றையும் வென்றுள்ளார்.
இதுவரை கிரண்குமார் செய்துள்ள சாதனைகள்
74 வயதான கிரண் குமார் ISROவின் தலைவராக நியமிக்கப்படுவதற்கு முன்பு, குஜராத்தின் அகமதாபாத்தில் உள்ள இஸ்ரோவின் விண்வெளி பயன்பாட்டு மையத்தின் (எஸ்ஏசி) இயக்குநராக இருந்தார். இஸ்ரோவின் செயற்கைக்கோள் கருவிகள் மற்றும் பயன்பாட்டு களங்களில் 40 ஆண்டுகள் பணிபுரிந்தார். வான்வழி மற்றும் பூமியின் கீழ் சுற்றுப்பாதையில் இருந்து புவிநிலை சுற்றுப்பாதை பயணங்கள் வரை பல்வேறு விண்கலங்களுக்கான எலக்ட்ரோ-ஆப்டிகல் இமேஜிங் சென்சார்களை வடிவமைத்து மேம்படுத்துவதில் முக்கிய பங்கு வகித்தார். அவரது பங்களிப்புகளில் முக்கியமானதாக பாஸ்கரா தொலைக்காட்சி பேலோட், மார்ஸ் கலர் கேமரா, தெர்மல் இன்ஃப்ராரெட் இமேஜிங் ஸ்பெக்ட்ரோமீட்டர் மற்றும் மார்ஸ் ஆர்பிட்டர் மிஷனுக்கான மீத்தேன் சென்சார் (Mars Orbiter Mission) ஆகியவை அடங்கும்.
மார்ஸ் ஆர்பிட்டர் மிஷன் என்றால் என்ன?
மங்கள்யானின் வரலாற்றுச் சிறப்புமிக்க செவ்வாய் சுற்றுப்பாதை சாதனைக்கு ஒன்பது ஆண்டுகளுக்குப் பிறகு, செவ்வாய் கிரகத்தின் வளிமண்டலம், சுற்றுச்சூழல் மற்றும் கிரகங்களுக்கு இடையேயான தூசி ஆகியவற்றை ஆய்வு செய்ய நான்கு பேலோடுகளை சுமந்து செல்லும் மங்கள்யான்-2 ஐ இஸ்ரோ உருவாக்குகிறது. செவ்வாய் கிரகத்தின் சுற்றுச்சூழலைப் பற்றிய தரவுகளை சேகரிக்க MODEX, RO, EIS மற்றும் LPEX போன்ற கருவிகளை இந்த பணி உள்ளடக்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
