2013 ஆம் ஆண்டு தமிழ் - மலையாளம் ஆகிய இருமொழி திரைப்படமான 'நேரம்' மூலம் இயக்குனராக அறிமுகமானவர் அல்போன்ஸ் புத்திரன். அதனை தொடர்ந்து நிவின் பாலி மற்றும் சாய் பல்லவியை வைத்து தனது இரண்டாவது படமான 'பிரேமம்' மூலம் புகழ் பெற்றார். இளம் இயக்குனரான இவர் தற்போது இரண்டு மலையாளப் படங்களில் நடித்து வருகிறார். இந்நிலையில், தமிழில் அவர் நடிக்கும் அடுத்த படம் குறித்து ரசிகர்கள் எப்பொழுதும் கேள்வி எழுப்பி வருகின்றனர். சமீபத்தில் அவரது ரசிகர் ஒருவர் கோலிவுட் நடிகர் விஜய்யை வைத்து படம் பண்ணுமாறு இயக்குனரிடம் கேட்டுள்ளார்.
மேலும் படிக்க | பீஸ்ட் படத்தின் மெயின் வில்லன் இவரா? ஏகபோக மகிழ்ச்சியில் ரசிகர்கள்!
விரைவில் வெளிவர இருக்கும் விஜய் - நெல்சன் திலீப்குமார் கூட்டணியில் உருவான படமான 'பீஸ்ட்' படத்தின் 'ஜாலி ஓ ஜிம்கானா' பாடல் வீடியோவை அல்போன்ஸ் புத்திரன் தனது அதிகாரப்பூர்வ பேஸ்புக் கைப்பிடியில் பகிர்ந்து இருந்தார். தளபதி விஜய்யுடன் ஒரு காதல் படம் பண்ணுமாறு அல்போன்ஸ் புத்திரனிடம் ரசிகர் ஒருவர் கேட்டுக்கொண்டுள்ளார். தளபதி விஜய்யுடன் காதல் படம் பண்ண வேண்டும் என்ற ரசிகரின் வேண்டுகோளுக்கு பதிலளித்த இயக்குநர் அல்போன்ஸ் புத்திரன், “பிரேமம் ரிலீஸுக்குப் பிறகு தமிழ்நாட்டில் இருந்து முதலில் என்னை அழைத்தவர் தளபதி விஜய் தான். மேலும் ஜெகதீஷ் மூலம் தளபதி விஜய் சாரை ஒருமுறை நேரில் சந்தித்தேன்.
ஒரு நாள் அவர் என்னை ஒரு படம் செய்ய அழைப்பார் என்று நம்புகிறேன். அதற்காக நான் காத்திருக்கிறேன்" என்று கூறினார். இயக்குனரின் இந்த பதில் விஜய் ரசிகர்களை உற்சாகபடுத்தி உள்ளது. அதிரடி கமர்சியல் படங்களில் நடித்து வரும் விஜய்யை முழு நீள காதல் படத்தில் பார்த்து நீண்ட நாட்கள் ஆகிறது. இந்த சமயத்தில் அல்போன்ஸ் புத்திரின் இந்த பதில், மீண்டும் விஜய்யை காதல் படங்களில் பார்க்க முடியும் என்ற நம்பிக்கை ஏற்பட்டுள்ளது. பீஸ்ட் படத்தை தொடர்ந்து விஜய் அடுத்ததாக வம்சி இயக்கத்தில் நடிக்க உள்ளார். இந்த படம் விஜய்யின் வழக்கமான படங்களில் இருந்து வேறுபாடும் என்று எதிர்பார்க்கப்படுகிறது.
மேலும் படிக்க | 'தளபதி 67' படம் கன்பார்மா? லோகேஷ் கனகராஜின் பதில்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
