2012 ஆம் ஆண்டு சிம்பு மற்றும் வரலட்சுமி நடிப்பில் வெளியான போடா போடி படத்தின் மூலம் தமிழ் சினிமாவில் இயக்குனராக அறிமுகமானார் விக்னேஷ் சிவன். அதன் பிறகு நானும் ரவுடிதான், தானா சேர்ந்த கூட்டம், காத்து வாக்குல ரெண்டு காதல் போன்ற படங்களை இயக்கியுள்ளார். தற்போது பிரதீப் ரங்கநாதனை வைத்து லவ் இன்சூரன்ஸ் கம்பெனி என்ற படத்தை இயக்கி வருகிறார். இதுமட்டுமின்றி பல படங்களில் பாடலாசிரியராகவும் பணியாற்றி உள்ளார். நடிகை நயன்தாராவை திருமணம் செய்த பிறகு திரை துறையில் முக்கியமான நபராக மாறினார் விக்னேஷ் சிவன். நானும் ரவுடி தான் படத்தில் இருவரும் ஒன்றாக இணைந்து பணியாற்றினர். அதன்பிறகு இருவருக்கும் காதல் ஏற்பட்டு திருமணம் செய்து கொண்டனர். தற்போது இந்த ஜோடிக்கு இரட்டை குழந்தைகள் உள்ளனர்.
மேலும் படிக்க | நீண்ட நாட்களுக்கு பிறகு சந்தித்து கொண்ட தனுஷ் - சிம்பு! அதுவும் இந்த சமயத்தில்?
சமீபத்தில் இவர்களது திருமணம் பற்றிய டாக்குமெண்டரி நெட்பிலிக்ஸ் தளத்தில் வெளியாகி நல்ல வரவேற்பை பெற்றுள்ளது. நயன்தாராவின் முதல் படத்தில் இருந்து கடைசியாக நடித்த படம் வரை அனைத்தை பற்றியும் அதில் பேசி இருந்தனர். இதில் நானும் ரவுடிதான் படத்தில் இடம்பெற்ற காட்சிகளை பயன்படுத்துவதற்கு தனுஷ் NOC தரவில்லை என்று நயன்தாராவும், விக்னேஷ் சிவனும் குற்றம் சாட்டியிருந்தனர், இது கோலிவுட் வட்டாரத்தில் பரபரப்பை ஏற்படுத்தியது. ஆனால் இதற்கு தனுஷ் எந்தவித பதிலும் தெரிவிக்கவில்லை. இருப்பினும் அந்த டாக்குமெண்டரியில் நானும் ரவுடிதான் படப்பிடிப்பில் நடைபெற்ற சில காட்சிகள் இடம் பெற்றுள்ளது.
சொர்க்கவாசல் பிரமோஷனில் ஆர்.ஜே பாலாஜி!
ஆர்ஜே பாலாஜி நடிப்பில் உருவாகியுள்ள சொர்க்கவாசல் படம் விரைவில் வெளியாக உள்ளது. இதற்கான ப்ரொமோஷனல் வேலைகளில் ஆர்.ஜே பாலாஜி இறங்கியுள்ளார். இதற்காக அவர் அளித்த பேட்டி ஒன்றில் விக்னேஷ் சிவன் பற்றி கேட்கப்பட்டது, அப்போது அவருக்கும் விக்னேஷ் இவனுக்கும் இடையில் நடந்த ஒரு சுவாரசியமான நிகழ்வை பகிர்ந்துள்ளார் ஆர்.ஜே பாலாஜி. போடா போடி படம் முடிந்த சில நாட்களில் விக்னேஷ் சிவன் ஆர்.ஜே பாலாஜிக்கு இரவு 1.30 மணிக்கு கால் செய்துள்ளார், அதில் நான் போடா போடி இயக்குனர் விக்னேஷ் சிவன் பேசுகிறேன் என்று தெரிவித்துள்ளார். மறுபுறம் தூக்கத்தில் போனை அட்டன் செய்துள்ள பாலாஜி யாரா இருந்தா என்ன? நான் என் குடும்பத்துடன் இருக்கிறேன்? இரவு 1.30 மணிக்கு எப்படி கால் பண்ணுவீங்க? என்று கோபமாக போனை கட் செய்துள்ளார்.
பிறகு காலையில் எழுந்ததும் விக்னேஷ் சிவனுக்கு கால் செய்து இந்த சம்பவம் குறித்து விளக்கம் அளித்து பேசி உள்ளார். பிறகு நானும் ரவுடிதான் படத்தில் ஆர் ஜே பாலாஜி ஒரு முக்கிய கதாபாத்திரத்திலும் நடித்திருந்தார். அடுத்ததாக சூர்யாவை வைத்து இயக்க உள்ளார் ஆர்ஜே பாலாஜி. இந்த படத்தின் மீது இப்போது இருந்தே அதிக எதிர்பார்ப்பு இருந்து வருகிறது. சொர்கவாசல் படத்தை திங்க் ஸ்டுடியோஸுடன் இணைந்து ஸ்வைப் ரைட் ஸ்டுடியோஸ் தயாரித்துள்ளது. சித்தார்த் விஸ்வநாத் இயக்கத்தில் உருவாகி இருக்கும் இந்த படம் ஜெயிலில் நடந்த ஒரு உண்மை சம்பவத்தை மையமாக வைத்து உருவாகி உள்ளது.
மேலும் படிக்க | தன்னை பற்றிய வீடியோக்களை உடனே நீக்க வேண்டும்! ஏஆர் ரகுமான் நோட்டீஸ்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
