Bigg Boss Fame Pradeep Antony Wedding Photos : தமிழ் மக்கள் மத்தியில் சின்னத்திரை மூலம் பிரபலமானவர், பிரதீப் ஆண்டனி. இவருக்கு, தற்போது திருமணம் நடைப்பெற்று முடிந்திருக்கிறது.
பிரதீப் ஆண்டனி:
நடிகர் பிரதீப் ஆண்டனியை எல்லாேரும் தெரிந்து கொண்டது 2016ஆம் ஆண்டு வெளியான ‘அருவி’ படம் மூலமாகத்தான். இந்த படத்தில் அவர் கதாநாயகி மீது காதல் கொண்ட நபராக நடித்திருப்பார். இந்த கதாப்பாத்திரம் பிரபலமானதாக மாறினாலும் இவருக்கு பெரிதாக அதன் பிறகு பட வாய்ப்புகள் எதுவும் கிடைக்கவில்லை. இதையடுத்து, அவர் கவினுடன் ‘டாடா’ திரைப்படத்தில் நடித்திருந்தார். இப்படத்திற்கு ரசிகர்கள் நல்ல வரவேற்பு கொடுக்க ஒரு காரணமாக அமைந்தார் பிரதீப். இவர், கடந்த ஆண்டு ஆரம்பித்த முடிந்த பிக்பாஸ் நிகழ்ச்சியின் 7வது சீசனில் முக்கிய போட்டியாளராக உள்நுழைந்தார்.
பிக்பாஸில் ரெட் கார்ட்..!
மக்களுக்கு ஏற்கனவே பிரதீப் ஆண்டனி மீது நல்ல அபிப்ராயம் இருந்தது. இதையடுத்து, பிக்பாஸிற்குள் போன இவர், முதல் நாளில் இருந்து அனைவரையும் காலி செய்து விளையாட ஆரம்பித்தார். இவரது விளையாட்டு பலருக்கு பிடித்திருந்தாலும், சக போட்டியாளர்கள் இவரிடம் கொஞ்சம் வித்தியாசம் பார்க்க ஆரம்பித்தனர். அவரது தனிப்பட்ட வாழ்வில் நடந்த விஷயங்களை கேமரா முன் பேசி, அது குறித்து பேசலாமா வேண்டாமா என்றெல்லாம் பேசினர். சிறப்பாக விளையாடிய இவர் முதல் முறையாக ரெட் கார்ட் கொடுத்து வெளியேற்றப்பட்டார்.
சக பெண் போட்டியாளர்களிடம் முறையாக நடந்து கொள்வதில்லை என்றும், பிறரை தகாத வார்த்தைகளில் பேசுவதாகவும் குற்றம் சாட்டப்பட்டதால் பிக்பாஸ் இல்லத்தில் இருந்த பெரும்பாலானோர் இவருக்கு ரெட் கார்ட் கொடுக்க வேண்டும் என்று கூறினார். இதையடுத்து, போட்டியிலிருந்து வெளியேற்றப்பட்டார்.
திருமணம்..
பிரதீப் ஆண்டனி ரெட் கார்ட் கொடுக்கப்பட்டு பிக்பாஸ் இல்லத்தில் இருந்து வெளியேற்றப்பட்டவுடன், அவருக்கு மக்களின் ஆதரவு பெரிதளவில் பெருகியது. பலர் இவர் தவறு எதுவுமே செய்யாமல் வெளியேற்றப்பட்டுவிட்டதாக கூறினர். இதையடுத்து, பிற போட்டியாளர்களுக்கு எதிராக பலர் சமூக வலைதளங்களில் போஸ்ட் போட ஆரம்பித்தனர். பிரதீப்பை வீட்டை விட்டு வெளியேற்றிய விவகாரத்தில் கமல்ஹாசனும் பலரது விமர்சனத்திற்கு ஆளானர். இந்த வெறுப்பு, பிக்பாஸ் நிகழ்ச்சி முடியும் வரை நிற்கவில்லை.
பிரச்சனைகள் அனைத்தும் ஓய்ந்த நிலையில், பிரதீப் தனக்கு நிச்சயதார்த்தம் முடிந்திருப்பதாக சில மாதங்களுக்கு முன்பு தனது சமூக வலைளதங்களில் அறிவித்தார். அதன்படி, அவருக்கு தற்போது சர்ச்சில் திருமணம் நடந்து முடிந்துள்ளது.
மணப்பெண் யார்?
பிரதீப் ஆண்டனி, பிக்பாஸிற்கு போவதற்கு முன்னர் இருந்தே ஒரு பெண்ணை காதலித்து வந்தார். அவரது பெயர் பூஜா. இவர்களுக்கு சமீபத்தில் ஒரு தேவாலயத்தில் திருமணம் நடந்து முடிந்திருக்கிறது. இந்த புகைப்படத்தை முன்னாள் பிக்பாஸ் பாேட்டியாளரும் விமர்சகருமான சுரேஷ் சக்கரவர்த்தி தனது சமூக வலைதளங்களில் பகிர்ந்திருக்கிறார். இந்த ஜோடிக்கு பல பிரபலங்கள் தொடர்ந்து வாழ்த்து தெரிவித்த வண்ணம் இருக்கின்றனர்.
