Ajith Kumar Son Aadvik Recent Prize Winning Photos : கோலிவுட்டின் பிரபல நடிகர் அஜித் குமாரின் மகன் ஆத்விக் செய்திருக்கும் ஒரு விஷயம் தற்போது இணையத்தில் வைரலாகி வருகிறது.
Ajith Kumar Son Aadvik Recent Prize Winning Photos : தமிழ் திரையுலகின் பிரபல நடிகராக வலம் வருபவர், அஜித் குமார். சினிமாவில் நடிப்பது ஒரு பக்கம், தனக்கு பிடித்த கார் ரேஸில் கலந்து கொள்வது ஒரு பக்கம், பைக் டூர் செல்வது ஒரு பக்கம் என தன்னை பிசியாக வைத்துக்கொள்பவர் இவர். தனக்கு பிடித்த விஷயங்களையே செய்து, வாழ்க்கையை அனுபவித்து வரும் அவரது பிள்ளைகளும், யாருக்கும் சளைத்தவர்கள் இல்லை. அஜித்தின் மகன் ஆத்விக், சமீபத்தில் அப்படியொரு போட்டியில்தான் கலந்துகொண்டு வெற்றி பெற்றிருக்கிறார். இதில், அவர் தந்தை பெற்ற இடத்தை கூட இவர் மிஞ்சியிருக்கிறார். அப்படி என்ன செய்தார்? இங்கு பார்ப்போம்.
அஜித்-ஷாலினி ஜோடிக்கு அனௌஷ்கா மற்றும் ஆத்விக் என இரு குழந்தைகள் உள்ளனர். இதில் அனௌஷ்காவிற்கு 17 வயதும், ஆத்விக்கிற்கு 9 வயதும் ஆகிறது.
அஜித்தும் ஷாலினியும் எங்கு சென்றாலும் தங்களது குழந்தைகளை கண்ணும் கருத்துமாக பார்த்துக்கொள்வதில் இருந்து தவறுவதே இல்லை.
ஆத்விக், மிகப்பெரிய கால்பந்தாட்ட ரசிகர். சில மாதங்களுக்கு முன்பு வெளிநாட்டில் நடைப்பெற்ற ஒரு கால்பந்தாட்ட போட்டியை ரசிக்க அவர் தந்து தாய் ஷாலினியுடன் சென்றிருந்த புகைப்படம் இணையத்தில் வைரலானது.
ஆத்விக், சென்னையில் உள்ள ஒரு தனியார் பள்ளியில் படித்து வருகிறார். அனௌஷ்கா, கிட்டத்தட்ட தனது பள்ளிப்படிப்பை முடிக்க இருக்கிறார்.
ஆத்விக், கடந்த 2023ஆம் ஆண்டு ஒரு கால்பந்து போட்டியி கலந்து கொண்டு அதில் தங்க பதக்கத்தை வென்றார்.
சமீபத்தில், ஆத்விக்கின் பள்ளியில் ஓட்டப்பந்தைய போட்டி நடந்துள்ளது. இதில் கலந்துகொண்ட ஆத்விக், மின்னல் வேகத்தில் ஓடி முதல் பரிசை தட்டி சென்றிருக்கிறார்.
இதை பார்த்த சில நெட்டிசன்கள், அஜித் சமீபத்தில் நடந்த துபாய் கார் ரேஸில் 3ஆம் இடத்தை பெற்றதாகவும், அவரது மகன் அவரை மிஞ்சி இந்த போட்டியில் முதல் இடத்தை பெற்றுள்ளதாகவும் சிலாகித்து வருகின்றனர்.
