Suriya 45 Movie Heroine : நடிகர் சூர்யா, தனது 45வது படத்தில் விரைவில் இணைய இருக்கிறார். இந்த படத்தில் அவருக்கு ஜோடியாக நடிக்கப்போவது யார் தெரியுமா?
Suriya 45 Movie Heroine : 2024ஆம் ஆண்டு, தமிழ் சினிமா ரசிகர்களுக்கு சர்ப்ரைஸ் கொடுக்கும் ஆண்டாக அமைந்தது. அப்படிப்பட்ட சர்ப்ரைஸ்களுள் ஒன்று, ஆர்.ஜே.பாலாஜி சூர்யாவின் 45வது படத்தை இயக்குவது. இந்த படத்தின் அதிகாரப்பூர்வ அறிவிப்பு சில மாதங்களுக்கு முன்பு வெளியானது. இந்த படத்திக்ற்கு ஏ.ஆர்.ரஹ்மான் இசையமைக்க இருக்கிறார். இந்த படத்தில் சூர்யாவிற்கு ஜோடியாக நடிப்பவர் குறித்த தகவல் இணையத்தில் வைரலாகி வருகிறது.
சூர்யா நடித்த கங்குவா படம், சமீபத்தில் வெளியாகி கடும் நெகடிவ் விமர்சனங்களை சந்தித்தது. இந்த நிலையில், அவர் நடிப்பில் அடுத்தடுத்து வெளிவர இருக்கும் படங்கள் மீதும் எதிர்பார்ப்புகள் அதிகரித்துள்ளது.
சூர்யா நடிக்கும் 44வது படத்தை, கார்த்திக் சுப்புராஜ் இயக்குகிறார். இந்த படத்தின் படப்பிடிப்பு சில வாரங்களுக்கு முன்பு முடிவடைந்தது. அடுத்த வருடம் இப்படம் வெளியாகும் என எதிர்பார்க்கப்படுகிறது.
மௌனம் பேசியதே, ஆறு உள்ளிட்ட படங்களில் ஜோடியாக நடித்த த்ரிஷாவும் சூர்யாவும் இன்னொரு படத்தில் ஜோடி போட இருக்கின்றனர்.
சூர்யாவின் 45வது படத்தை ஆர்.ஜே.பாலாஜி இயக்க இருக்கிறார். இந்த படத்தில்தான் த்ரிஷாவும் சூர்யாவும் ஜோடியாக நடிப்பதாக தகவல்கள் வெளியாகி இருக்கிறது.
சூர்யாவின் இந்த 45வது படத்திற்கு இன்னும் பெயர் சூட்டப்படவில்லை. ஏ.ஆர்.ரஹ்மான் இசையில், இந்த படம் உருவாக இருக்கிறது. ஆர்.ஜே.பாலாஜி பணிபுரியும் மிகப்பெரிய பட்ஜெட் படம் இது எனக்கூறப்படுகிறது.
சூர்யாவும் த்ரிஷாவும் ஜோடியாக 2 படங்களில் நடித்திருந்தாலும் ஆயுத எழுத்து, மன்மதன் அம்பு உள்ளிட்ட படங்களில் நடித்திருக்கின்றனர் தற்போது, கிட்டத்தட்ட 14 வருடங்கள் கழித்து இருவரும் ஜோடி சேர இருக்கின்றனர்.
சூர்யா 45 படத்தில் த்ரிஷா இணைந்துள்ளது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
