Sorgavaasal Movie Promotion Photos : ஆர்.ஜே.பாலாஜி, அனிருத், லோகேஷ் கனகராஜ் ஆகியோர் கையில் சிலேட்டை வைத்துக்கொண்டு போஸ் கொடுக்கும் போட்டோ இணையத்தில் வைரலாகி வருகிறது.
Sorgavaasal Movie Promotion Photos : தமிழ் திரையுலகின் முக்கிய பிரபலங்களுள் ஒருவராக வலம் வருகிறார், ஆர்.ஜே.பாலாஜி. ரேடியோ ஜாக்கியாக இருந்து, இப்போது நடிகராக மாறியிருக்கும் இவர், மக்கள் மத்தியில் நல்ல வரவேற்பு பெற்ற படங்களை இயக்கியவராக இருக்கிறார். இந்த நிலையில், இவர் நடித்திருக்கும் சொர்க்கவாசல் படத்தின் டிரைலர் ரிலீஸ் இன்று நடைப்பெற்றது.
தமிழ் திரையுலகில் வளர்ந்து வரும் நடிகராக இருப்பவர், ஆர்.ஜே.பாலாஜி. இவர், முதன் முறையாக கேங்க்ஸ்டர் டிராமா படம் ஒன்றில் நடித்திருக்கிறார்.
காமெடி கதைகளை எழுதி-இயக்கி நடித்து வந்த ஆர்.ஜே.பாலாஜி, சில ஆண்டுகளுக்கு முன்பிருந்து பிறர் இயக்கும் படத்தில் ஹீரோவாக நடிக்க ஆரம்பித்தார். அந்த வகையில், உண்மை சம்பவத்தை தழுவி எடுக்கப்பட்டிருக்கும் சொர்க்கவாசல் படத்திலும் ஹீரோவாக நடித்திருக்கிறார்.
சொர்க்கவாசல் படத்தின் டிரைலரே, ரத்தம் பீறிட்டு அடிக்க, பெரிய கேங்க்ஸ்டர் கதை போல காண்பிக்கப்பட்டது.
சொர்க்கவாசல் படத்தின் டிரைலர் வெளியீட்டு விழா இன்று நடைப்பெற்றது. இதில், ஆர்.ஜே.பாலாஜியுடன் அனிருத் மற்றும் லோகேஷ் கனகராஜ் ஆகியோரும் கலந்து கொண்டனர்.
சொர்க்கவாசல் படத்தை சித்தார்த் விஸ்வநாதன் இயக்கியிருக்கிறார். இதில், செல்வராகவன், சானியா ஐயப்பன், பாலாஜி சக்திவேல் உள்ளிட்ட பலர் நடித்திருக்கின்றனர்.
சொர்க்கவாசல் படத்தை ப்ரமோட் செய்ய வித்தியாசமான வழியை தேர்வு செய்திருக்கிறது, படக்குழு. அதன்படி, கையில் ஸ்லேட்டுடன் ஆர்.ஜே.பாலாஜி மற்றும் செல்வராகவன் நிற்கும் காட்சி.
நிகழ்ச்சிக்கு வந்த லோகேஷ் கனகராஜ், அனிருத்தும் காவல் நிலையை செட்டப்பில் இருக்கும் இடத்தில், கையில் ஸ்லேட்டை வைத்துக்கொண்டு போஸ் கொடுத்தனர். இந்த புகைப்படங்கள் தற்போது இணையத்தில் வைரலாகி வருகின்றன.
