குளிர்காலத்தில் நாம் கவனத்தில் கொள்ள வேண்டிய மிக முக்கியமான விஷயம், நோய் எதிர்ப்பு சக்தியை வலுவாக வைத்திருப்பது. இந்த குளிர்காலத்தில் உடலை ஆரோக்கியமாக வைத்திருக்க என்ன சாப்பிட வேண்டும் என்பது ஒரு பெரிய கேள்வியாகத் தான் இருக்கிறது.
தற்போது நாட்டில் பல பகுதியில் குளிர்காலம் (Winter Season) ஆரம்பமாகி விட்டது. இந்த நேரத்தில் சில காய்கறிகளும் பழங்களையும் எடுத்துக்கொள்வது மிகவும் அவசியம். அவை நம் ஆரோக்கியத்தை மேம்படுத்துகின்றன மற்றும் நம்மை சில தொற்றுநோயிலிருந்து பாதுகாக்கின்றன. அத்தகைய சிறப்பு பாதுகாப்பை வழங்கும் காய்கறிகளில் முள்ளங்கியும் ஒன்றாகும். அதன் முக்கிய நன்மைகளை இங்கே காண்போம்.
நீரிழிவு அபாயத்தைக் குறைத்தல்: முள்ளங்கியில் (Radish) ரசாயன கலவைகள் உள்ளன. அவை இரத்த சர்க்கரையை கட்டுக்குள் வைத்திருக்க உதவுகின்றன. முள்ளங்கி நுகர்வு கணிசமாக இயற்கை அடிபோனெக்டினை உருவாக்குகிறது. இது இன்சுலின் தூண்டுவதன் மூலம் நீரிழிவு உருவாவதைக் கட்டுப்படுத்துகிறது.
இதய ஆரோக்கியத்தை மேம்படுத்தும்: முள்ளங்கிகளில் ஆன்டிஆக்ஸிடன்ட்கள், கால்சியம், பொட்டாசியம் மற்றும் பல தாதுக்கள் நிறைந்துள்ளன. இந்த ஊட்டச்சத்துக்கள் உயர் இரத்த அழுத்தத்தைக் குறைக்கவும் இருதய ஆரோக்கியத்தை பராமரிக்கவும் உதவுகின்றன. முள்ளங்கி இரத்த ஓட்டத்தை மேம்படுத்தும் இயற்கை நைட்ரேட்டுகளின் நல்ல மூலமாகும்.
புற்றுநோய் எதிர்ப்பு பண்புகள் உள்ளன: முள்ளங்கியில் ஏராளமான குளுக்கோசினோலேட்டுகள் மற்றும் சல்பர் கலவைகள் உள்ளன. புற்றுநோயை ஏற்படுத்தும் மரபணு மாற்றங்களிலிருந்து உயிரணுக்களைப் பாதுகாக்கும் திறன் இதற்கு உண்டு. புற்றுநோய் கட்டிகளின் வளர்ச்சியைத் தூண்டும் உயிரணுக்களின் வளர்ச்சியைத் தடுப்பதே இது. உடலில் இருந்து புற்றுநோயை உண்டாக்கும் காரணிகளை அகற்ற உதவுகிறது.
செரிமானத்திற்கு உதவுதல்: முள்ளங்கி இயற்கையாகவே அதிக நார்ச்சத்து உள்ளது. இது செரிமானத்தை எளிதாக்குவதாகும். அத்துடன் உடலிலும் இருக்கும் கழிவுகளை குடல் வழியாக வெளியேற்ற உதவுகிறது.
உடல் எடையை குறைக்க உதவும்: உடல் எடையை குறைக்க நினைப்பவர்கள் தினமும் காலையில் முள்ளங்கி ஜூஸ் அருந்தி வந்தால் விரைவாக உடல் எடையை குறைக்க முடியும்.
