Exter Vs Fronx: சமீபத்தில் அறிமுகப்படுத்தப்பட்ட Maruti Suzuki Fronx மிகவும் பிரபலமாகி வருகிறது. மறுபுறம், ஹூண்டாய் அதன் Xtor ஐ அறிமுகப்படுத்த உள்ளது. ஹுண்டாயின் இந்த புதிய வாகனம் ஃபிராங்க்ஸுடன் போட்டியிடும். இந்த இரண்டு வாகனங்களின் வடிவமைப்பு மற்றும் விலை விவரங்கள் பற்றி இந்த பதிவில் காணலாம். இது தவிர, இந்த இரு வாகனங்களின் பரிமாணங்கள், அம்சங்கள், விவரக்குறிப்புகள் மற்றும் விலை பற்றிய தகவல்களையும் இங்கே தெரிந்துகொள்ளலாம்.
ஹூண்டாய் எக்ஸ்டர்
ஹூண்டாய் மோட்டார் தனது புதிய மைக்ரோ எஸ்யூவியை ஜூலை 10 ஆம் தேதி இந்தியாவில் அறிமுகப்படுத்த உள்ளது. இந்த காரின் வடிவமைப்பு மிகவும் கவர்ச்சிகரமானதாக இருக்கும். இது EX, S, SX, SX(O) மற்றும் SX(O) என மொத்தம் 5 டிரிம்களில் கிடைக்கும். இதில் 1.2 லிட்டர் கப்பா பெட்ரோல் எஞ்சின் கிடைக்கும். இதனுடன், சிஎன்ஜி விருப்பமும் இதில் கிடைக்கும். இதன் விலை ரூ.10 லட்சத்திற்கும் குறைவாக இருக்கும் என எதிர்பார்க்கப்படுகிறது. இந்த காரை ரூ.11,000க்கு முன்பதிவு செய்யலாம்.
டைமென்ஷன்ஸ்
தற்போதைய நிலவரப்படி, ஹூண்டாய் Xter இன் அளவு வெளியிடப்படவில்லை. ஆனால் அதன் நீளம் 3,800 மிமீ -க்கு குறைவாக இருக்கலாம். அதேசமயம், ஃபிராங்க்ஸின் நீளம் 3,995 மிமீ, அகலம் 1,765 மிமீ, உயரம் 1,550 மிமீ ஆகும். இதன் வீல்பேஸ் 2,520 மிமீ ஆகும். எக்ஸெட்டரின் பரிமாணங்கள் சற்று சிறியதாக இருக்கும் என எதிர்பார்க்கப்படுகிறது.
எஞ்சின்
ஹூண்டாய் Exter -இல் Grand i10 Nios போன்ற 1.2-லிட்டர் பெட்ரோல் எஞ்சின் இருக்கும். இது 82 bhp மற்றும் 113 Nm அவுட்புட்டை அளிக்கும். 5-ஸ்பீடு மேனுவல் கியர்பாக்ஸ் மற்றும் AMT ஆப்ஷன் இதில் இருக்கும். இதில் CNG ஆப்ஷனும் கிடைக்கும். மறுபுறம், மாருதி ஃபிராங்க்ஸ் இரண்டு எஞ்சின் விருப்பங்களைக் கொண்டுள்ளது. 1.2-லிட்டர் இயற்கையான பெட்ரோல் மற்றும் 1.0-லிட்டர் டர்போசார்ஜ்டு இதில் உள்ளன. இது மேனுவல், ஏஎம்டி மற்றும் டார்க் கன்வெர்ட்டர் ஆட்டோமேட்டிக் டிரான்ஸ்மிஷன் ஆப்ஷன்களைக் கொண்டுள்ளது.
மேலும் படிக்க | ஜூன் மாதம் இந்த டாடா கார்களில் அதிரடி தள்ளுபடி: முந்துங்கள்!!
அம்சங்கள்
Exter -இல் ஸ்மார்ட்போன் இணைப்பு மற்றும் இணைக்கப்பட்ட கார் தொழில்நுட்பத்துடன் (கனெக்டட் கார் டெக்னாலஜி) 8.0-இன்ச் இன்ஃபோடெயின்மென்ட் சிஸ்டம் கிடைக்கும். இது தவிர, வாய்ஸ்-ஆக்டிவேட்டட் சன்ரூஃப், டூயல் டேஷ் கேம், ரிவர்ஸ் கேமரா, க்ரூஸ் கண்ட்ரோல், டிஜிட்டல் இன்ஸ்ட்ரூமென்ட் கிளஸ்டர், ஏபிஎஸ், ஈபிடி, ஈஎஸ்சி, விஎஸ்எம் மற்றும் 6 ஏர்பேக்குகள் போன்ற அம்சங்களும் இதில் இருக்கும்.
மாருதி ஃப்ரான்க்ஸில் டூயல்-டோன் இன்டீரியர், ஹெட்-அப் டிஸ்ப்ளே யூனிட், 360 டிகிரி கேமரா, வயர்லெஸ் சார்ஜிங், ஸ்மார்ட்போன் இணைப்புடன் கூடிய 9 இன்ச் இன்ஃபோடெயின்மென்ட் சிஸ்டம், பேடில் ஷிஃப்டர்கள், இணைக்கப்பட்ட கார் தொழில்நுட்பம், 6 ஏர்பேக்குகள், ஏபிஎஸ் உடன் ஈபிடி, ஐஎஸ்ஓஃபிக்ஸ் சீட் ஆங்கர்கள் மற்றும் உள்ளன. ரிவர்ஸ் கேமரா போன்ற அம்சங்கள் இதில் உள்ளன.
விலை விவரங்கள்
ஹூண்டாய் எக்ஸ்டெர் ஜூலை 10 அன்று அறிமுகம் செய்யப்படும். அதன் விலை அப்போதுதான் அறிவிக்கப்படும். இதன் எக்ஸ் ஷோரூம் விலை சுமார் 6 லட்சம் ரூபாய் இருக்கும் என எதிர்பார்க்கப்படுகிறது. அதேசமயம், Maruti Suzuki Franks இன் விலை ரூ.7.46 லட்சத்தில் இருந்து தொடங்குகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
