ரிலையன்ஸ் ஜியோ, ஏர்டெல் மற்றும் வோடபோன் ஐடியா ஆகிய தனியார்த் தொலைத் தொடர்பு நிறுவனங்கள், கடந்த ஜூலையில் கட்டண உயர்த்திய பிறகு, பல பயனர்கள் அரசுக்கு சொந்தமான BSNL சிம் வாங்க அதிக ஆர்வம் காட்டி வருகின்றனர். பிஎஸ்என்எல் நிறுவனமும், இந்த சந்தர்ப்பத்தை பயன்படுத்திக் கொண்டு பல கவர்ச்சி திட்டங்களை அறிவித்து வருகிறது. எனவே, தனியார் நிறுவனங்களும் அவ்வப்போது அதிக நன்மைகளை கொண்ட ரீசார்ஜ் திட்டங்களை அறிமுகப்படுத்தி வருகின்றன.
இந்திய டெலிகாம் சந்தையில் ஜியோ, ஏர்டெல் மற்றும் வோடாஃபோன் ஐடியா ஆகியவற்றின் ரீசார்ஜ் திட்டங்கள் வாடிக்கையாளர்களின் பல்வேறு தேவைக்கேற்ப தரவுகள், வரம்பற்ற அழைப்புகள் என பல வகைகளில் உள்ளன. மணிக்கணக்கில் பேச இலவச அழைப்பு வழங்கப்படுகிறது. இது தவிர, பிரீமியம் செயலிகளின் சந்தாவும் கிடைக்கிறது. இந்நிலையில், இந்த மூன்று நிறுவனங்களில் சுமார் ரூ.400 கட்டணத்திலான ரீசார்ஜ் பிளான்களில், வாடிக்கையாளர்களுக்கு அதிக பலன்களை கொடுத்து பணத்தை மிச்சப்படுத்த உதவும் திட்டம் எது என்பதை அறிந்து கொள்ளலாம்.
ரிலையன்ஸ் ஜியோ ரூ.399 திட்டம்
ரிலையன்ஸ் ஜியோவின் (Reliance Jio) ரூ.399 ப்ரீபெய்ட் திட்டத்தில், தினமும் 2.5 ஜிபி டேட்டா மற்றும் 100 எஸ்எம்எஸ் வழங்கப்படுகிறது. இந்த பேக்கில் இலவச அழைப்பு வசதி வழங்கப்படுகிறது. மேலும், இந்த ரீசார்ஜ் திட்டத்தில் ஜியோ டிவி, ஜியோ சினிமா மற்றும் ஜியோ கிளவுட் ஆகியவற்றுக்கான அணுகல் இலவசமாக வழங்கப்படுகிறது. இந்த பேக்கின் வேலிடிட்டி 28 நாட்கள்.
மேலும் படிக்க | ரிலையன்ஸ் ஜியோ வழங்கும் அசத்தல் பிளான்... தினம் 2GB டேட்டா உடன் இலவச நெட்பிளிக்ஸ்
ஏர்டெல் வழங்கும் ரூ.379 திட்டம்
ஏர்டெல் வழங்கும் ரூ.379 ரீசார்ஜ் திட்டத்தில் தினமும் 100 எஸ்எம்எஸ் உடன் தினம் 2ஜிபி டேட்டா கிடைக்கும். இந்த பேக்கில் வரம்பற்ற 5ஜி டேட்டாவும் கிடைக்கிறது. மற்ற நெட்வொர்க்குகளில் பேசுவதற்கு வரம்பற்ற அழைப்பு வசதியும் உள்ளது. கூடுதலாக, Airtel Xstrem செயலிக்கான அணுகலும் கிடைக்கிறது. இதன் மூலம் பயனர்கள் நேரடி தொலைக்காட்சி நிகழ்ச்சிகளையும் திரைப்படங்களையும் பார்க்கலாம். இது தவிர, ப்ரீபெய்ட் திட்டத்தில் இலவச ஹலோ ட்யூனும் கிடைக்கிறது. இதன் வேலிடிட்டி காலம் 1 மாதம்.
வோடபோன் ஐடியா ரூ.379 ரீசார்ஜ் பேக்
ஏர்டெல்லைப் போலவே, வோடபோன் ஐடியாவிலும் ரூ.379 ப்ரீபெய்ட் திட்டம் உள்ளது. இந்த ரீசார்ஜ் பேக்கில் உள்ள பயனர்களுக்கு வரம்பற்ற அழைப்பு வசதி வழங்கப்படுகிறது. இதில் தினமும் 100 எஸ்எம்எஸ் உடன் 2ஜிபி டேட்டா கிடைக்கும். இது மட்டுமின்றி, வார இறுதி டேட்டா ரோல்ஓவர் வசதியும் Vi's பேக்கில் வழங்கப்பட்டுள்ளது. வார இறுதியில் நீங்கள் வாரத்தின் மீதமுள்ள தரவைப் பயன்படுத்த முடியும். இதன் வேலிடிட்டி காலம் 1 மாதம்.
மேலும் படிக்க | ஒருவழியாக 5ஜியை அறிமுகப்படுத்திய வோடபோன் ஐடியா! என்ன சிறப்பம்சங்கள்?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
