Gold Rate Today: ઉથલપાથલ વચ્ચે સોનાના ભાવમાં ફરી જોવા મળ્યો કડાકો, ફટાફટ ચેક કરો 10 ગ્રામ સોનાનો રેટ

Gold Price 10th May: ગઈ કાલે સોનાના ભાવમાં તેજી જોવા મળી હતી. પરંતુ સોનામાં પાછી ઉથપાથલ જોવા મળી રહી છે અને આજે બજાર ખુલતા ભાવમાં કડાકો જોવા મળ્યો. છેલ્લા ત્રણ મહિનાથી સોના ચાંદીના ભાવમાં આ જ રીતે ભારે ઉથલપાથલ જોવા મળી રહી છે. ગઈ કાલે શરાફા બજારમાં સોનાનો ભાવ 61533 પર બંધ થયો હતો જે આજે બજાર ખુલતા 10 ગ્રામ શુદ્ધ સોનાનો ભાવ 103 રૂપિયા તૂટી ગયો. 

MCX પર ભાવ
ઘરેલુ વાયદા બજારમાં સોના અને ચાંદીના ભાવમાં નરમી જોવા મળી રહી છે. MCX પર સોનાનો ભાવ 140 રૂપિયા તૂટીને 61280 રૂપિયા પ્રતિ 10 ગ્રામ ટ્રેડ થઈ રહ્યો છે. એ જ રીતે ચાંદી પણ 100 રૂપિયા સસ્તી થઈ છે અને પ્રતિ કિલો તેનો  ભાવ 77350 રૂપિયાના સ્તરે જોવા મળ્યો છે. ઘરેલુ બજારમાં આવેલી નબળાઈનું કારણ ઈન્ટરનેશનલ માર્કેટમાં વેચાવલી છે. 

આજનો સોના ચાંદીનો ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association)ની અધિકૃત વેબસાઈટ  ibjarates.com મુજબ 999 પ્યોરિટીવાળું 10 ગ્રામ ગોલ્ડ મંગળવારે 61533 રૂપિયાના સ્તરે બંધ થયું હતું. આજે 103 રૂપિયાના કડાકા સાથે ભાવ 61430 રૂપિયા જોવા મળ્યો. જ્યારે 995 પ્યોરિટીવાળું ગોલ્ડ 102 રૂપિયા તૂટીને 61185 રૂપિયાના સ્તરે જોવા મળી રહ્યું છે. 916 પ્યોરિટીવાળા સોનાની વાત કરીએ તો 95 રૂપિયા ઘટીને ભાવ હાલ 56269 રૂપિયા જોવા મળી રહ્યો છે. જ્યારે ચાંદીની વાત કરીએ તો ચાંદી હાલ પ્રતિ કિલો 48 રૂપિયા ઘટીને 76351 રૂપિયાના સ્તરે જોવા મળી રહી છે. 

(સોનાના ભાવ 10 ગ્રામ પ્રમાણે છે અને ચાંદીનો  ભાવ પ્રતિ કિલો છે)

મિસ્ડ કોલથી જાણો સોના ચાંદીના ભાવ
ibja તરફથી અને કેન્દ્રીય સરકાર દ્વારા જાહેર રજાઓ ઉપરાંત શનિવાર અને રવિવારે રેટ જાહેર કરાતા નથી. 22 કેરેટ અને 18 કેરેટ ગોલ્ડ જ્વેલરીના રિટેલ ભાવ જાણવા માટે 8955664433 પર મિસ્ડ કોલ કરી શકો છો. થોડીવારમાં તમને એસએમએસ દ્વારા રેટ્સ મળી જશે. આ ઉપરાંત સતત અપડેટ્સ માટે તમે www.ibja.com પર જઈ શકો છો. 

આ રીતે કરાય છે શુદ્ધતાની ઓળખ
જ્વેલરીની પ્યોરિટી ચકાસવા માટેની એક રીત હોય છે. જેમાં હોલમાર્ક સંલગ્ન અનેક પ્રકારના નિશાન જોવા મળે છે. આ નિશાનના માધ્યમથી જ્વેલરીની શુદ્ધતાને ઓળખી શકાય છે. આવામં એક કેરેટથી લઈને 24 કેરેટ સુધીના માપદંડ હોય છે. જ્વેલરી બનાવવા માટે 22 કેરેટના સોનાનો ઉપયોગ થાય છે. જ્વેલરી પર હોલમાર્ક લગાવવો જરૂરી છે. 24 કેરેટ સોનું પ્યોર સોનું હોય છે. તેના પર 999 અંક લખેલો જોવા મળશે. જો કે 24 કેરેટ સોનાથી જ્વેલરી બનતી નથી. 22 કેરેટ સોનામાંથી સોનાના દાગીના બનશે જેમાં 916 લખેલું હશે. 21 કેરેટ સોનાની જ્વેલરી પર 875 લખેલું હશે. 18 કેરેટના દાગીના પર 750 લખેલું હશે. જ્યારે 14 કેરેટના દાગીના પર 585 લખેલું જોવા મળશે. 

એપ દ્વારા ચેક કરી શકો છો પ્યોરિટી
જો તમે પણ માર્કેટમાં સોનાની ખરીદી કરવા જઈ રહ્યા હોવ તો હોલમાર્ક જોઈને જ ગોલ્ડ  ખરીદો. સોનાની શુદ્ધતા ચેક કરવા માટે તમે સરકારી એપનો પણ ઉપયોગ કરી શકો છો. ‘BIS Care app’ દ્વારા તમે ગોલ્ડની પ્યોરિટી ચેક કરી શકો છો કે તે અસલી છે કે નકલી. આ સિવાય તમે આ એપ દ્વારા ફરિયાદ પણ કરી શકો છો. 

24, 22, 21, 18 અને 14 કેરેટમાં શું ફરક હોય છે?
24 કેરેટવાળું સોનું એકદમ પ્યોર હોય છે. જેને પ્યોરેસ્ટ ગોલ્ડ કહે છે. તેમાં કોઈ પણ પ્રકારની અન્ય ધાતુની ભેળસેળ હોતી નથી. તેને 99.9 ટકા શુદ્ધ ગોલ્ડ કહેવાય છે. 22 કેરેટ સોનામાં 91.67 ટકા પ્યોર ગોલ્ડ હોય છે. અન્ય 8.33 ટકામાં બીજી ધાતુનું મિશ્રણ હોય છે. જ્યારે 21 કેરેટ ગોલ્ડમાં 87.5 ટકા પ્યોર ગોલ્ડ હોય છે. 18 કેરેટ ગોલ્ડમાં 75 ટકા પ્યોર ગોલ્ડ હોય છે. જ્યારે 14 કેરેટ ગોલ્ડમાં 58.5 ટકા પ્યોર ગોલ્ડ હોય છે બાકી અન્ય ધાતુનું મિશ્રણ કરેલું હોય છે. 

ખાસ નોંધ: અત્રે જણાવવાનું કે ઈન્ડિયન બુલિયન જ્વેલર્સ એસોસિએશન તરફથી બહાર પડતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે.