ગુજરાતમાં રમખાણો બાદ થયેલા ગુલબર્ગ સોસાયટી હત્યાકાંડના પીડિતા ઝાકિયા જાફરીનું નિધન

Gulbarg Society massacre : 2002ના ગુજરાત રમખાણોમાં માર્યા ગયેલા કોંગ્રેસના પૂર્વ સાંસદ એહસાન જાફરીના પત્ની ઝાકિયા જાફરીનું શનિવારે અમદાવાદમાં 86 વર્ષની વયે અવસાન થયું હતું. અમદાવાદના મુસ્લિમ વિસ્તાર ગુલબર્ગ સોસાયટીમાં માર્યા ગયેલા 69 લોકોમાં એહસાન જાફરીનો પણ સમાવેશ થાય છે. ગુલબર્ગ સોસાયટી હત્યાકાંડ માટે ઝાકિયા જાફરીએ લાંબા સમય સુધી કોર્ટમાં લડત આપી હતી. 

હકીકતમાં, 28 ફેબ્રુઆરી 2002ના રોજ, ગોધરામાં સાબરમતી એક્સપ્રેસ ટ્રેનના કોચ સળગાવવામાં આવતા અયોધ્યાથી પરત ફરી રહેલા 59 કાર સેવકોના મોત થયા હતા. આ ઘટનાથી સમગ્ર રાજ્યમાં ભયંકર તોફાનો થયા હતા. ગોધરા ટ્રેન સળગાવવાની ઘટના બાદ થયેલા રમખાણો પાછળના મોટા કાવતરા માટે ટોચના રાજકીય નેતાઓને જવાબદાર ઠેરવવા માટે સુપ્રીમ કોર્ટ સુધી કાનૂની લડાઈ લડી ત્યારે ઝાકિયા જાફરીએ દેશભરમાં હેડલાઈન્સ બનાવી.

લોકોએ સોસાયટીમાં રહેવાનું બંધ કર્યું હતું
આ હત્યાકાંડમાં માર્યા ગયેલા લોકોમાંથી લગભગ 64 આરોપીઓને કોર્ટે નિર્દોષ જાહેર કર્યા હતા અને આ રીતે ન્યાય માટે ઝાકિયા જાફરીની છેલ્લી લડાઈ સુપ્રીમ કોર્ટ સુધી લડ્યા હતા. ગુલબર્ગ સોસાયટીમાં 69 લોકોના હત્યાકાંડ બાદ આ સોસાયટી વેરાન ખંડેરમાં ફેરવાઈ ગઈ હતી. એવું લાગતું હતું કે જાણે ધિક્કાર, અવિશ્વાસ અને ભય અહીંના વાતાવરણ પર કબજો કરી લીધો હોય. હત્યાકાંડના વર્ષો પછી પણ લોકોએ અહીં રહેવાનું બંધ કરી દીધું.

ઝાકિયા જાફરીના પુત્ર તનવીર જાફરીએ જણાવ્યું કે, મારી માતા અમદાવાદમાં મારી બહેનના ઘરે ગયા હતા. તેમણે દિવસે પરિવારના સભ્યો સાથે સામાન્ય રીતે વાતચીત કરી. તે દરમિયાન તેમણે અસ્વસ્થતા અનુભવવાની ફરિયાદ કરી. જે બાદ ડોક્ટરને બોલાવવામાં આવ્યા હતા. સવારે સાડા અગિયાર વાગ્યે તેમને મૃત જાહેર કરવામાં આવ્યા હતા.

ઔવેસીએ દુખ વ્યક્ત કર્યું
ઓલ ઈન્ડિયા મજલિસ-એ-ઈત્તેહાદુલ મુસલમીન (AIMIM)ના વડા અસદુદ્દીન ઓવૈસીએ તેમના નિધન પર ઊંડી શોક વ્યક્ત કરી છે. તેમણે કહ્યું કે, ઝાકિયા જાફરીએ બે દાયકા સુધી ભારતના કેટલાક સૌથી શક્તિશાળી લોકો સામે એકલા હાથે લડાઈ લડી. લગભગ બે દાયકા સુધી તેમણે ભારતના કેટલાક સૌથી શક્તિશાળી લોકો સામે એકલા હાથે કાનૂની લડાઈ લડી, ક્યારેય ડર બતાવ્યો નહીં. તેમનું આજે નિધન થયું હતું. અલ્લાહ તેમને તેમના પ્રિયજનોને શાંતિ અને શક્તિ આપે.

તે દિવસે શું થયું?
નોંધનીય છે કે 28 ફેબ્રુઆરી 2002ના રોજ મુસ્લિમ બહુલ ગુલબર્ગ સોસાયટીમાં ટોળાએ હુમલો કર્યો હતો. આ હુમલામાં કોંગ્રેસના પૂર્વ સાંસદ એહસાન જાફરી સહિત 69 લોકો માર્યા ગયા હતા. આ હત્યાકાંડના એક દિવસ પહેલા, ગોધરા સ્ટેશન પર સાબરમતી એક્સપ્રેસના એક ડબ્બાને કથિત ષડયંત્રના ભાગરૂપે આગ લગાડવામાં આવી હતી, જેમાં 58 કાર સેવકોએ જીવ ગુમાવ્યો હતો. જૂન 2016 માં, એક વિશેષ અદાલતે ગુલબર્ગ સોસાયટી કેસમાં 24 લોકોને દોષી ઠેરવ્યા હતા, અને તેમાંથી 11ને આજીવન કેદની સજા ફટકારી હતી. આ કેસમાં 36 લોકોને આરોપમાંથી મુક્ત કરવામાં આવ્યા હતા. જૂન 2022 માં, સુપ્રીમ કોર્ટે એહસાન જાફરીના વિધવા ઝાકિયા જાફરીની અરજીને ફગાવી દીધી હતી, જેમાં 2002ના ગુજરાત રમખાણોના કેસમાં 64 લોકોને આપવામાં આવેલી ક્લીનચીટને પડકારવામાં આવી હતી.