આ દિવસે થશે IPL 2025ના કાર્યક્રમની જાહેરાત! 21મી માર્ચથી શરૂ થઈ રહી છે લીગ

IPL 2025: વિશ્વભરના ક્રિકેટ ચાહકોની નજર હાલમાં પાકિસ્તાનમાં યોજાનારી ચેમ્પિયન્સ ટ્રોફી પર છે. આ ટૂર્નામેન્ટની ફાઇનલ મેચ 9 માર્ચે યોજાવાની છે. ટુર્નામેન્ટ પૂરી થતાની સાથે જ ચાહકોને IPLનો રોમાંચ જોવા મળશે. આ રીતે ક્રિકેટ ચાહકોને આગામી કેટલાક મહિનાઓ સુધી ક્રિકેટનો સતત સુપર ડોઝ મળવાનો છે. આ ટુર્નામેન્ટની 18મી સીઝન 21 માર્ચ 2025થી શરૂ થશે. જો કે તેનું શેડ્યૂલ હજુ સુધી જાહેર કરવામાં આવ્યું નથી. એવું કહેવામાં આવી રહ્યું છે કે BCCI આગામી સાત દિવસમાં IPL 2025ના સંપૂર્ણ શેડ્યૂલની જાહેરાત કરી શકે છે.

બે મેચ બહાર રમશે દિલ્હી 
એક સૂત્રએ જણાવ્યું છે કે બંને ટીમો તેમની ઘરેલું મેચો બહાર રમશે. નોંધનીય છે કે દિલ્હી કેપિટલ્સ તેમની બે હોમ મેચ વિઝાગમાં રમશે. છેલ્લી સિઝનમાં પણ દિલ્હીને તેની કેટલીક મેચો વિઝાગમાં રમવી પડી હતી કારણ કે IPL 2024 ની શરૂઆતની નજીક WPL સમાપ્ત થઈ ગયું હતું અને અરુણ જેટલી સ્ટેડિયમ IPL મેચો યોજવા માટે તૈયાર ન હતું. તે દરમિયાન 2008 IPL ટાઇટલ વિજેતા રાજસ્થાન રોયલ્સ પણ તેમની બે ઘરેલું મેચ તટસ્થ સ્થળોએ રમશે, જેનો નિર્ણય લેવાનો બાકી છે.

🚨 IPL 2025 SCHEDULE. 🚨

- IPL schedule set to be announced next week. (Sports Tak). pic.twitter.com/59GoUz0Qde

— Mufaddal Vohra (@mufaddal_vohra) February 10, 2025

21મી માર્ચથી શરૂ થશે IPL 2025
આ પહેલા આઈપીએલના ચેરમેન રાજીવ શુક્લાએ પુષ્ટિ કરી હતી કે આ લીગ 21 માર્ચથી પૂરા જોશ અને ઉત્સાહ સાથે શરૂ થશે. લીગની ફાઈનલ 25 મેના રોજ યોજાય તેવી શક્યતા છે. હૈદરાબાદનું રાજીવ ગાંધી ઈન્ટરનેશનલ સ્ટેડિયમ કથિત રીતે પ્રથમ બે પ્લેઓફ મેચનું આયોજન કરશે, જ્યારે કોલકાતાનું ઈડન ગાર્ડન્સ બીજા પ્લેઓફ અને ફાઈનલનું સ્થળ હશે. 

ગયા વર્ષે જેદ્દાહમાં યોજાયેલી મેગા હરાજી પહેલા IPL 2025 ની શરૂઆતની તારીખ 14 માર્ચ કહેવામાં આવી હતી, જો કે, હવે તે પુષ્ટિ કરવામાં આવી છે કે આગામી સિઝન 21 માર્ચ, 2025થી શરૂ થશે અને 25 મે 2025 સુધી ચાલશે.