ಗಾಯಕ ಗುರು ರಾಂಧವ ತಲೆಗೆ ಗಂಭೀರ ಗಾಯ, ಆಸ್ಪತ್ರೆಗೆ ದಾಖಲು..! ಆತಂಕದಲ್ಲಿ ಅಭಿಮಾನಿಗಳು..

Guru Randhawa accident : ಗಾಯಕ ಮತ್ತು ನಟ ಗುರು ರಾಂಧವ ಆಘಾತಕ್ಕೆ ಒಳಗಾಗಿದ್ದಾರೆ. ಸಿನಿಮಾ ಚಿತ್ರೀಕರಣದ ಸಮಯದಲ್ಲಿ ನಡೆದ ಅವಘಡದಲ್ಲಿ ಗುರು ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಸಿಂಗರ್‌ ತಲೆ ಮತ್ತು ದೇಹದ ಮೇಲೆ ಹಲವಾರು ಗಂಭೀರ ಗಾಯಗಳಾಗಿವೆ ಎಂದು ತಿಳಿದು ಬಂದಿದೆ.

Guru Randhawa injury : 'ಶೌಂಕಿ ಸರ್ದಾರ್' ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಗುರು ರಾಂಧವ ಗಾಯಗೊಂಡಿದ್ದಾರೆ.. ಸಾಹಸ ದೃಶ್ಯವನ್ನು ಚಿತ್ರೀಕರಿಸುವಾಗ ನಡೆದ ಘಟನೆಯಲ್ಲಿ ಗುರು ಗಂಭೀರವಾಗಿ ಗಾಯಗೊಂಡಿದ್ದಾಗಿ ಮಾಹಿತಿ ಲಭ್ಯವಾಗಿದೆ.. ಅಲ್ಲದೆ, ಸ್ವತಃ ಗಾಯಕ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಆಸ್ಪತ್ರೆಯ ಹಾಸಿಗೆ ಮೇಲೆ ಮಲಗಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. 

ಈ ಫೋಟೋ ನೋಡಿ ಅವರ ಅಭಿಮಾನಿಗಳು ಶಾಕ್ ಆಗಿದ್ದಾರೆ. ಅಲ್ಲದೆ, ಶೀಘ್ರ ಚೇತರಿಕೆಗಾಗಿ ಪ್ರಾರ್ಥಿಸುತ್ತಿದ್ದಾರೆ. ಫೋಟೋ ಹಂಚಿಕೊಂಡಿರುವ ರಾಂಧವ, "ನನ್ನ ಮೊದಲ ಸಾಹಸ, ನನ್ನ ಮೊದಲ ಗಾಯ, ಆದರೆ ನನ್ನ ಧೈರ್ಯ ಅಚಲವಾಗಿದೆ. 'ಶೌಂಕಿ ಸರ್ದಾರ್' ಚಿತ್ರದ ಸೆಟ್‌ಗಳಿಂದ ಒಂದು ನೆನಪು.. ಅಂತ ಶೀರ್ಷಿಕೆ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:ಈ ಪಾಕಿಸ್ತಾನಿ ಕ್ರಿಕೆಟರ್‌ ಪತ್ನಿಗೆ ವಿರಾಟ್‌ ಕೊಹ್ಲಿ ಎಂದರೆ ಎಲ್ಲಿಲ್ಲದ ಪ್ರೀತಿ! ಸೌಂದರ್ಯ ದೇವಂತ

ಗುರು ರಾಂಧವ ಅವರ ಈ ಪೋಸ್ಟ್‌ಗೆ ಸೆಲೆಬ್ರಿಟಿಗಳು ಕೂಡ ಕಾಮೆಂಟ್ ಮಾಡುತ್ತಿದ್ದಾರೆ. ಮೃಣಾಲ್ ಠಾಕೂರ್ 'ವಾಟ್' ಎಂದು ಕಾಮೆಂಟ್ ಮಾಡಿ ಅಚ್ಚರಿಯ ಎಮೋಜಿಯನ್ನು ಹಂಚಿಕೊಂಡಿದ್ದಾರೆ. "ಮಿಕಾ ಸಿಂಗ್, 'ಬೇಗ ಗುಣಮುಖರಾಗಿ' ಎಂದು ಬರೆದು ಗುರುಗಳು ಶೀಘ್ರವಾಗಿ ಚೇತರಿಸಿಕೊಳ್ಳಲಿ ಎಂದು ಹಾರೈಸಿದರು.

'ಶೌಂಕಿ ಸರ್ದಾರ್' ಚಿತ್ರ ಮುಂದಿನ ವರ್ಷ ಬಿಡುಗಡೆಯಾಗಲಿದೆ. ಇದರಲ್ಲಿ ಗುರು ರಾಂಧವ ಜೊತೆಗೆ ನಿಮ್ರತ್ ಅಹ್ಲುವಾಲಿಯಾ ಕೂಡ ನಟಿಸಿದ್ದಾರೆ. ಗುರು ರಾಂಧವ ಅವರ ಸ್ವಂತ ನಿರ್ಮಾಣ ಕಂಪನಿ 751 ಫಿಲ್ಮ್ಸ್ ನಿರ್ಮಿಸುತ್ತಿದೆ. ಈ ಸಿನಿಮಾವನ್ನು ಧೀರಜ್ ರತನ್ ನಿರ್ದೇಶಿಸುತ್ತಿದ್ದಾರೆ.