ನವದೆಹಲಿ:ಸಾಮಾಜಿಕ ಮಾಧ್ಯಮಗಳ ಈ ಯುಗದಲ್ಲಿ ಯಾರು, ಯಾವ ಕಾರಣಕ್ಕೆ ಮತ್ತು ಹೇಗೆ ವೈರಲ್ ಆಗುತ್ತಾರೆ ಎಂದು ಹೇಳುವುದು ಅಸಾಧ್ಯ. ಕಳೆದ ಕೆಲ ದಿನಗಳಿಂದ ವಿಡಿಯೋವೊಂದು ಇಂಟರ್ನೆಟ್ ಮೇಲೆ ಹರಿದಾಡಲಾರಂಭಿಸಿದ್ದು, ನೀವು ಕೂಡ ಅದನ್ನು ಇಷ್ಟಪಡುವುದರಲ್ಲಿ ಎರಡು ಮಾತಿಲ್ಲ. ಈ ವಿಡಿಯೋದಲ್ಲಿ ಓರ್ವ ವ್ಯಕ್ತಿ ತನ್ನ ನಿತ್ಯದ ಸಂಗೀತ ಅಭ್ಯಾಸದಲ್ಲಿ ತೊಡಗಿದ್ದಾರೆ. ಈ ವೇಳೆ ಅವರ ಮುದ್ದಿನ ನಾಯಿ ಅವರಿಗೆ ಸಾಥ್ ನೀಡುತ್ತಿದೆ. ಈ ಹಾಡು ನಿಮಗೆ ಹಿಮೇಶ್ ರೇಶಮಿಯಾ ಅಭಿನಯದ ಅವರ ಮುಂಬರುವ 'ಹ್ಯಾಪಿ, ಹಾರ್ಡಿ ಅಂಡ್ ಹೀರ್' ಚಿತ್ರದ ಹಾಡು 'ತೆರಿ ಮೇರಿ ಕಹಾನಿ' ಜ್ನಾಪಿಸಲಿದೆ. ವಿಡಿಯೋದಲ್ಲಿ ಸುಬೀರ್ ಖಾನ್ ಮತ್ತು ಅವರ ಮುದ್ದಿನ ನಾಯಿ 'ಬಾಘಾ' ಒಂದೇ ಸಲಕ್ಕೆ ಈ ಹಾಡು ಹಾಡುತ್ತಿರುವುದು ಕಂಡುಬರುತ್ತಿದೆ.
ಮೂರು ದಿನಗಳ ಹಿಂದೆ ಸುಬೀರ್ ತಮ್ಮ ಫೇಸ್ ಬುಕ್ ಖಾತೆಯಲ್ಲಿ ಈ ಕುರಿತಾದ ವಿಡಿಯೋ ಹಂಚಿಕೊಂಡಿದ್ದರು. ಈ ವಿಡಿಯೋದಲ್ಲಿ ಸುಬೀರ್ ತಮ್ಮ ಹಾರ್ಮೋನಿಯಂ ಹಿಡಿದು ರಾನು ಮಂಡಲ್ ಹಾಡಿರುವ ಹಾಡಿನ ರಿಯಾಜ್ ಮಾಡುತ್ತಿದ್ದಾರೆ. ಈ ವೇಳೆ ಅವರ ಮುದ್ದಿನ ನಾಯಿ ಅವರ ಪಕ್ಕಕ್ಕೆ ಕುಳಿತುಕೊಂಡಿದ್ದು, ಹಾಡಿಗೆ ತನ್ನ ಧ್ವನಿ ಕೂಡ ನೀಡುತ್ತಿದೆ.ಈ ಹಾಡನ್ನು ಹಂಚಿಕೊಂಡಿರುವ ಸುಬೀರ್, "ಇಂದು ಬೆಳಗ್ಗೆ ನಾನು ಮತ್ತು ನನ್ನ ಮುದ್ದಿನ ನಾಯಿ ಬಾಘಾ ಹಾಡಿನ ಅಭ್ಯಾಸ ನಡೆಸಿದ್ದೇವೆ" ಎಂದು ಬರೆದುಕೊಂಡಿದ್ದಾರೆ.
Contrarian Cousin sent me this last night and Im still laughing 😂😂😂 pic.twitter.com/VPzaudcUVD
— manjula narayan (@utterflea) January 15, 2020
Contrarian Cousin sent me this last night and Im still laughing 😂😂😂 pic.twitter.com/VPzaudcUVD
— manjula narayan (@utterflea) January 15, 2020
Contrarian Cousin sent me this last night and Im still laughing 😂😂😂 pic.twitter.com/VPzaudcUVD
— manjula narayan (@utterflea) January 15, 2020
ಇದುವರೆಗೆ ಈ ಸ್ವಾರಸ್ಯಕರ ವಿಡಿಯೋವನ್ನು ಸುಮಾರು 20 ಲಕ್ಷಕ್ಕೂ ಅಧಿಕ ಜನರು ವೀಕ್ಷಿಸಿದ್ದಾರೆ. ಸುಬೀರ್ ಮತ್ತು ಬಾಘಾ ಅವರ ಈ ವಿಡಿಯೋವನ್ನು ಸುಮಾರು 59000 ಜನರು ಶೇರ್ ಕೂಡ ಮಾಡಿದ್ದಾರೆ. ವಿಡಿಯೋ ವೈರಲ್ ಆಗುತ್ತಿದ್ದಂತೆ ಇದೀಗ ಈ ವಿಡಿಯೋವನ್ನು ಬೇರೆ ಬೇರೆ ಸಾಮಾಜಿಕ ಮಾಧ್ಯಮಗಳ ಮೇಲೂ ಕೂಡ ಹಂಚಿಕೊಳ್ಳಲಾಗುತ್ತಿದೆ. ಟ್ವಿಟ್ಟರ್ ಮೇಲೂ ಕೂಡ ವಿಡಿಯೋಗೆ ಈ ರೀತಿಯ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.
