ನವದೆಹಲಿ: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಡಿಜಿಟಲ್ ಆ್ಯಪ್ ಯೋನೊ ಎಸ್‌ಬಿಐ (SBI YONO) ಬಳಕೆದಾರರ ಸಂಖ್ಯೆ 2 ಕೋಟಿ ದಾಟಿದೆ. 2017 ರಲ್ಲಿ ಪ್ರಾರಂಭಿಸಲಾದ ಈ ಅಪ್ಲಿಕೇಶನ್ ಜನರಲ್ಲಿ ವೇಗವಾಗಿ ಪ್ರವೇಶಿಸುತ್ತಿದೆ. ಬ್ಯಾಂಕ್ ತನ್ನ ಯೋನೊ ಎಸ್‌ಬಿಐ ಆ್ಯಪ್ ಮೂಲಕ 6.8 ದಶಲಕ್ಷಕ್ಕೂ ಹೆಚ್ಚಿನ ಬ್ಯಾಂಕ್ ಖಾತೆಗಳನ್ನು ತೆರೆದಿದೆ. ಈ ಬ್ಯಾಂಕಿಂಗ್ ಮತ್ತು ಜೀವನಶೈಲಿ ಅಪ್ಲಿಕೇಶನ್ ಅನ್ನು ಪ್ರತಿದಿನ 4.5 ಮಿಲಿಯನ್ ಜನರು ಬಳಸುತ್ತಿದ್ದಾರೆ. ಯೋನೊ ಅಪ್ಲಿಕೇಶನ್, ಯೋನೊ ಗ್ಲೋಬಲ್ ಮತ್ತು ಯೋನೊ ಅಗ್ರಿ ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಳಕೆದಾರರ ಸಂಖ್ಯೆ ಸ್ಥಿರವಾಗಿ ಬೆಳೆಯುತ್ತಿದೆ. ಯೋನೊ ಅಗ್ರಿಕಲ್ಚರ್ 3.4 ಲಕ್ಷ ರೈತರಿಗೆ ಯೋನೊ ಕೃಷಿ ಅಗ್ರಿ ಗೋಲ್ಡ್ (YONO Krishi Agri Gold) ನೀಡಿದೆ.
ಯೋನೊ ಎಸ್‌ಬಿಐ ಅಪ್ಲಿಕೇಶನ್ (You Only Need One-YONO) ತನ್ನ ಅಲ್ಪಾವಧಿಯ ಪ್ರಯಾಣದಲ್ಲಿ ದಾಖಲೆ ನಿರ್ಮಿಸಿದೆ ಎಂದು ಎಸ್‌ಬಿಐ ಹೇಳಿದೆ. ಪ್ರಸ್ತುತ, ಈ ಅಪ್ಲಿಕೇಶನ್‌ನ ಸಕ್ರಿಯ ಬಳಕೆದಾರರ ಸಂಖ್ಯೆ 20 ಮಿಲಿಯನ್‌ಗಿಂತ ಹೆಚ್ಚಾಗಿದೆ. ಈ ಅಪ್ಲಿಕೇಶನ್ ಅನ್ನು ನವೆಂಬರ್ 2017 ರಲ್ಲಿ ಪ್ರಾರಂಭಿಸಲಾಯಿತು.
ಯೋನೊ ಎಸ್‌ಬಿಐ ಅಪ್ಲಿಕೇಶನ್ ತನ್ನ ಬಳಕೆದಾರರಿಗೆ ಎಲ್ಲಾ ಸೇವೆಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುತ್ತದೆ. ಬ್ಯಾಂಕಿಂಗ್, ಶಾಪಿಂಗ್, ಜೀವನಶೈಲಿ ಮತ್ತು ಹೂಡಿಕೆಯಂತಹ ಸೇವೆಗಳು ಇವುಗಳಲ್ಲಿ ಸೇರಿವೆ. ತನ್ನ ಎರಡು ವರ್ಷಗಳ ಪ್ರಯಾಣದಲ್ಲಿ, ಯೋನೊ ಆಪ್ 20 ವಿವಿಧ ವಿಭಾಗಗಳಲ್ಲಿ 100 ಇ-ಕಾಮರ್ಸ್ ಕಂಪನಿಗಳನ್ನು ಸೇರಿಸಿದೆ.
ಯೋನೊ ಆ್ಯಪ್ ಮೂಲಕ ಶಾಖೆಗೆ ಹೋಗದೆ ಸುಮಾರು 70 ಲಕ್ಷ ಬ್ಯಾಂಕ್ ಖಾತೆಗಳನ್ನು ತೆರೆಯಲಾಗಿದೆ ಎಂದು ಎಸ್‌ಬಿಐ ಬ್ಯಾಂಕ್ ಹೇಳಿದೆ. ಯೋನೊ ಅಪ್ಲಿಕೇಶನ್‌ನಲ್ಲಿ ಬ್ಯಾಂಕ್ ಖಾತೆ ತೆರೆದ ನಂತರ, ಖಾತೆದಾರನು ಕೆವೈಸಿಗೆ ಒಮ್ಮೆ ಮಾತ್ರ ಬ್ಯಾಂಕ್ ಶಾಖೆಗೆ ಭೇಟಿ ನೀಡಬೇಕಾಗುತ್ತದೆ. ವಿಶೇಷವೆಂದರೆ ಈ ಅಪ್ಲಿಕೇಶನ್‌ನಲ್ಲಿ 24 ಗಂಟೆಗಳಲ್ಲಿ ಯಾವುದೇ ಸಮಯದಲ್ಲಿ ಖಾತೆಯನ್ನು ತೆರೆಯಬಹುದು. ಯೋನೊ ಎಸ್‌ಬಿಐ ಆ್ಯಪ್ ಮೂಲಕ ಪ್ರತಿದಿನ ಸುಮಾರು 20,000 ಬ್ಯಾಂಕ್ ಖಾತೆಗಳನ್ನು ತೆರೆಯಲಾಗುತ್ತಿದೆ.
ಯೋನೊ ಕ್ಯಾಶ್ ಬಗ್ಗೆ ಮಾತನಾಡುವುದಾದರೆ, ಇಲ್ಲಿ ಎಟಿಎಂ ಕಾರ್ಡ್ ಇಲ್ಲದೆ 50 ಲಕ್ಷಕ್ಕೂ ಹೆಚ್ಚು ವಹಿವಾಟು ನಡೆದಿದೆ. ಇದಲ್ಲದೆ, ಬ್ಯಾಂಕ್ ಈ ಅಪ್ಲಿಕೇಶನ್‌ನೊಂದಿಗೆ ಎರಡು ವರ್ಷಗಳಲ್ಲಿ 1 ಲಕ್ಷಕ್ಕೂ ಹೆಚ್ಚು ಎಸ್‌ಬಿಐ ಕ್ರೆಡಿಟ್ ಕಾರ್ಡ್‌ಗಳನ್ನು ನೀಡಿದೆ.
ಈ ಆ್ಯಪ್ ಬಿಡುಗಡೆಯಾದಾಗಿನಿಂದ ಎಸ್‌ಬಿಐ ಇದುವರೆಗೆ 11 ಕೋಟಿ ರೂ.ಗಿಂತ ಹೆಚ್ಚಿನ ಸಾಲವನ್ನು ನೀಡಿದೆ. 4000 ಜನರ ದೈನಂದಿನ ಸಾಲ ಅರ್ಜಿಗಳು ಇಲ್ಲಿಗೆ ಬರುತ್ತಿವೆ. ಯೋನೊ ಕೃಷಿ ಅಗ್ರಿ ಗೋಲ್ಡ್ ಸಾಲ(YONO Krishi Agri Gold Loans) ಗಳ ಕುರಿತು ಮಾತನಾಡುವುದಾದರೆ 3.4 ಲಕ್ಷ ರೈತರಿಗೆ ಇಲ್ಲಿ ಸಾಲ ನೀಡಲಾಗಿದೆ.
ಸ್ಟೇಟ್ ಬ್ಯಾಂಕ್ ಪ್ರತಿದಿನ YONO Krishi ಚಿನ್ನದ ಸಾಲವನ್ನು ನೀಡುತ್ತಿದೆ. ಸಾಲದೊಂದಿಗೆ, ಈ ಅಪ್ಲಿಕೇಶನ್ ರೈತರಿಗೆ ತಮ್ಮ ಉತ್ಪನ್ನಗಳನ್ನು ಮಾರಾಟ ಮಾಡಲು ಮಂಡಿ ವೇದಿಕೆಯನ್ನು ಒದಗಿಸುತ್ತಿದೆ. ಅಲ್ಲದೆ, ಕೃಷಿಗೆ ಸಂಬಂಧಿಸಿದ ಸಲಹೆಗಳನ್ನೂ ಇಲ್ಲಿ ನೀಡಲಾಗಿದೆ. ಸರಕು ಮತ್ತು ಹವಾಮಾನ ನವೀಕರಣಗಳು ಇಲ್ಲಿ ಲಭ್ಯವಿದೆ.
ಯೋನೊ ಅಪ್ಲಿಕೇಶನ್ ಜನರಿಗೆ ಉಳಿಸಲು ಮತ್ತು ಹೂಡಿಕೆ ಮಾಡಲು ಪ್ರೋತ್ಸಾಹಿಸುತ್ತದೆ. ಕಳೆದ 27 ತಿಂಗಳಲ್ಲಿ, ಯೋನೊ ಎಸ್‌ಬಿಐ ಸುಮಾರು 4 ಲಕ್ಷ ಜೀವ ವಿಮಾ ಪಾಲಿಸಿಗಳನ್ನು ಮತ್ತು ಸುಮಾರು 70,000 ಮ್ಯೂಚುಯಲ್ ಫಂಡ್‌ಗಳನ್ನು ಮಾರಾಟ ಮಾಡಿದೆ.
