ಅವಾಚ್ಯ ಶಬ್ದ ಬಳಸಿದ ಬಿಜೆಪಿ ಶಾಸಕ: ಇದೇನಾ ನಿಮ್ಮ ಸಂಸ್ಕೃತಿ ಎಂದ ಕಾಂಗ್ರೆಸ್

BJP vs Congress: ಹುಮ್ನಾಬಾದ್ ಬಿಜೆಪಿ ಶಾಸಕ ಸಿದ್ದು ಪಾಟೀಲ್ ಮತ್ತು ಕಾಂಗ್ರೆಸ್ ಪಕ್ಷದಿಂದ ಬೀದರ್ ಪ್ರತಿನಿಧಿಸುವ ವಿಧಾನ ಪರಿಷತ್ ಸದಸ್ಯ ಭೀಮರಾವ್ ಪಾಟೀಲ್ ನಡುವೆ ಸಾರ್ವಜನಿಕ ಸಭೆಯಲ್ಲೇ ಕಿತ್ತಾಟ ನಡೆದಿದೆ.

ಬಿಜೆಪಿ ವಿರುದ್ಧ ಕಾಂಗ್ರೆಸ್ ಆಕ್ರೋಶ!

ಬೆಂಗಳೂರು: ಹುಮ್ನಾಬಾದ್ ಬಿಜೆಪಿ ಶಾಸಕ ಸಿದ್ದು ಪಾಟೀಲ್ ಮತ್ತು ಕಾಂಗ್ರೆಸ್ ಪಕ್ಷದಿಂದ ಬೀದರ್ ಪ್ರತಿನಿಧಿಸುವ ವಿಧಾನ ಪರಿಷತ್ ಸದಸ್ಯ ಭೀಮರಾವ್ ಪಾಟೀಲ್ ನಡುವೆ ಸಾರ್ವಜನಿಕ ಸಭೆಯಲ್ಲೇ ಕಿತ್ತಾಟ ನಡೆದಿದೆ. JJM ಯೋಜನೆಯ ಭೂಮಿಪೂಜೆ ಕಾರ್ಯಕ್ರಮದಲ್ಲಿ ಹೆಸರು ಮತ್ತು ಫೋಟೋ ಬಳಸದಿರುವ ಕುರಿತು ಪ್ರಶ್ನಿಸಿದ ಕಾಂಗ್ರೆಸ್‍ನ ವಿಧಾನಪರಿಷತ್ ಸದಸ್ಯರಿಗೆ ಶಾಸಕ ಸಿದ್ದು ಪಾಟೀಲ್ ಅವಾಚ್ಯ ಪದಗಳಿಂದ ನಿಂದಿಸಿದ್ದಾರೆ.

ಬಿಜೆಪಿ ಶಾಸಕ ಸಿದ್ದು ಪಾಟೀಲ್ ಅವಾಚ್ಯ ಶಬ್ದಗಳಿಂದ ನಿಂದಿಸಿರುವ ವಿಡಿಯೋ ಹಂಚಿಕೊಂಡಿರುವ ಕಾಂಗ್ರೆಸ್, ಬಿಜೆಪಿ ವಿರುದ್ಧ ಕಿಡಿಕಾರಿದೆ. ‘ಇದು ಬಿಜೆಪಿಗರ ಸಂಸ್ಕೃತ! Dear ಬಿಜೆಪಿ, ನೀವು ರಕ್ಷಣೆ ಮಾಡಲು ಹೊರಟಿರುವ ಸಂಸ್ಕೃತಿ ಇದೇನಾ? ಹುಮ್ನಾಬಾದ್ ಶಾಸಕ ಬಿಜೆಪಿ ರೌಡಿ ಮೋರ್ಚಾದ ಅಧ್ಯಕ್ಷನಾಗಲು ಅರ್ಹತೆ ಹೊಂದಿದ್ದಾರೆ’ ಎಂದು ಟೀಕಿಸಿದೆ.

ಇದು ಬಿಜೆಪಿಗರ ಸಂಸ್ಕೃತ!

Dear @BJP4Karnataka, ನೀವು ರಕ್ಷಣೆ ಮಾಡಲು ಹೊರಟಿರುವ ಸಂಸ್ಕೃತಿ ಇದೇನಾ?

ಹುಮ್ನಾಬಾದ್ ಶಾಸಕ ಬಿಜೆಪಿ ರೌಡಿ ಮೋರ್ಚಾದ ಅಧ್ಯಕ್ಷನಾಗಲು ಅರ್ಹತೆ ಹೊಂದಿದ್ದಾರೆ.

JJM ಯೋಜನೆಯ ಭೂಮಿಪೂಜೆಯ ಕಾರ್ಯಕ್ರಮದಲ್ಲಿ ಶಿಷ್ಠಾಚಾರದ ಪ್ರಕಾರ
ಅಲ್ಲಿನ ಕಾಂಗ್ರೆಸ್ ಪಕ್ಷದ ವಿಧಾನ ಪರಿಷತ್ ಸದಸ್ಯರಾದ ಚಂದ್ರಶೇಖರ್ ಪಾಟೀಲ್… pic.twitter.com/ECn5KoiA0E

— Karnataka Congress (@INCKarnataka) December 22, 2023

ಇದನ್ನೂ ಓದಿ: ಮಸೀದಿ ಸಮೀಪ ಕೇಸರಿ ಧ್ವಜ ಕಟ್ಟುವುದಕ್ಕೆ ವಿರೋಧ

‘JJM ಯೋಜನೆಯ ಭೂಮಿಪೂಜೆಯ ಕಾರ್ಯಕ್ರಮದಲ್ಲಿ ಶಿಷ್ಠಾಚಾರದ ಪ್ರಕಾರ ಅಲ್ಲಿನ ಕಾಂಗ್ರೆಸ್ ಪಕ್ಷದ ವಿಧಾನ ಪರಿಷತ್ ಸದಸ್ಯರಾದ ಚಂದ್ರಶೇಖರ್ ಪಾಟೀಲ್ ಹಾಗೂ ಭೀಮರಾವ್ ಪಾಟೀಲ್ ಅವರ ಹೆಸರುಗಳನ್ನು, ಫೋಟೋಗಳನ್ನು ಬಳಸದಿರುವ ಕುರಿತು ಪ್ರಶ್ನಿಸಲು ಹೋದ ಕಾಂಗ್ರೆಸ್ ಪಕ್ಷದ ವಿಧಾನ ಪರಿಷತ್ ಸದಸ್ಯರಿಗೆ ಅವಾಚ್ಯ ಪದಗಳಿಂದ ನಿಂದಿಸಿದ ಬಿಜೆಪಿ ಶಾಸಕ ಸಿದ್ದು ಪಾಟೀಲ್ ಸರ್ಕಾರ ಬಿಜೆಪಿಯದ್ದೇ ಇದೆ ಎಂಬ ಭ್ರಮೆಯಲ್ಲಿರುವಂತಿದೆ! ಶಿಸ್ತಿನ ಪಕ್ಷ, ಸಭ್ಯರ ಪಕ್ಷ ಎಂದುಕೊಳ್ಳುವ ಬಿಜೆಪಿ ತಮ್ಮವರ ಈ ಭಾಷೆ, ರೌಡಿ ವರ್ತನೆಯ ಬಗ್ಗೆ ಯಾವ ಕ್ರಮ ಕೈಗೊಳ್ಳಲಿದೆ?’ ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

ಫೋಟೋಶೂಟ್ ಶೋಕಿ ಬಗ್ಗೆ ಮಾತಾಡುವ ಧೈರ್ಯ ತೋರುವರೇ?

,@BZZameerAhmedK ಅವರು ರಾಜ್ಯದ ಸಮಸ್ಯೆಗಳ ಬಗ್ಗೆ ಕೇಂದ್ರ ಸರ್ಕಾರದ ಗಮನ ಸೆಳೆಯುವುದಕ್ಕಾಗಿಯೇ ದೆಹಲಿಗೆ ಹೋಗಿದ್ದು, ದೆಹಲಿಗೆ ವಿಮಾನದಲ್ಲಿ ಹೋಗದೆ ನಡೆದುಕೊಂಡು ಹೋಗಲಾಗುತ್ತದೆಯೇ?

ವಿಮಾನದಲ್ಲಿ ಓಡಾಡುವುದನ್ನೂ ಟೀಕಿಸುವ @BJP4Karnataka ನಾಯಕರು ಮೋದಿಯವರ 8000 ಕೋಟಿಯ ವಿಮಾನದ ಬಗ್ಗೆ, ಮೋದಿಯವರ ಫೋಟೋಶೂಟ್ ಶೋಕಿಯ ಬಗ್ಗೆ ಮಾತಾಡುವ…

— Karnataka Congress (@INCKarnataka) December 22, 2023

‘ಸಚಿವ ಜಮೀರ್ ಅಹ್ಮದ್ ಅವರು ರಾಜ್ಯದ ಸಮಸ್ಯೆಗಳ ಬಗ್ಗೆ ಕೇಂದ್ರ ಸರ್ಕಾರದ ಗಮನ ಸೆಳೆಯುವುದಕ್ಕಾಗಿಯೇ ದೆಹಲಿಗೆ ಹೋಗಿದ್ದು, ದೆಹಲಿಗೆ ವಿಮಾನದಲ್ಲಿ ಹೋಗದೆ ನಡೆದುಕೊಂಡು ಹೋಗಲಾಗುತ್ತದೆಯೇ? ವಿಮಾನದಲ್ಲಿ ಓಡಾಡುವುದನ್ನೂ ಟೀಕಿಸುವ ಬಿಜೆಪಿ ನಾಯಕರು ಪ್ರಧಾನಿ ಮೋದಿಯವರ 8,000 ಕೋಟಿಯ ವಿಮಾನದ ಬಗ್ಗೆ, ಮೋದಿಯವರ ಫೋಟೋಶೂಟ್ ಶೋಕಿಯ ಬಗ್ಗೆ ಮಾತಾಡುವ ಧೈರ್ಯ ತೋರುವರೇ? ಹಿಂದೆ ರಾಜ್ಯ ನೆರೆ ಸಂಕಷ್ಟದಲ್ಲಿ ಸಿಲುಕಿದ್ದಾಗ ಮುರುಗೇಶ್ ನಿರಾಣಿಯವರು ಕೋಟಿ ಬೆಲೆಯ ಕಾರು ಉಡುಗೊರೆ ಕೊಟ್ಟಿದ್ದರು, ಆ ಹಣವನ್ನು ಸಂತ್ರಸ್ತರಿಗೆ ಕೊಡುವ ಉದಾರತೆ ನಿರಾಣಿಯವರಿಗೆ ಇರಲಿಲ್ಲವೇ?’ ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

ಇದನ್ನೂ ಓದಿ: ಆರೋಗ್ಯ ಇಲಾಖೆಯಿಂದ ಕೇರಳ ವಾಹನಗಳ ತಪಾಸಣೆ