ಕಾರಿನ ಪ್ರಯಾಣದಲ್ಲಿ ವಾಂತಿಯಾಗುವ ಸಮಸ್ಯೆ ನಿಮಗೂ ಇದೆಯಾ ? ಆಪಲ್ ನ ಈ ಟ್ರಿಕ್ ನಿಮಗೂ ತಿಳಿದಿರಲಿ !

ಬೆಂಗಳೂರು : Apple iPhone ಹೊಸ ಆಪರೇಟಿಂಗ್ ಸಿಸ್ಟಮ್ iOS 18 ಅನ್ನು ರಚಿಸಿದೆ.ಇದು ಇನ್ನೂ ಪರೀಕ್ಷಾ ಹಂತದಲ್ಲಿದೆ. ಇದರಲ್ಲಿ ಹಲವು ಹೊಸ ಸೌಲಭ್ಯಗಳಿದ್ದು ಕಾರಿನಲ್ಲಿ ಕುಳಿತವರಿಗೆ ವಿಶೇಷವಾಗಿ ಅನುಕೂಲವಾಗಲಿದೆ. ನೀವು ಕಾರಿನಲ್ಲಿದ್ದು ಫೋನ್ ಅಥವಾ ಟ್ಯಾಬ್ಲೆಟ್ ಅನ್ನು ನೋಡುತ್ತಿದ್ದರೆ, ಕೆಲವೊಮ್ಮೆ ನಿಮಗೆ ತಲೆ ಸುತ್ತುತ್ತದೆ.ಈ ಸಮಸ್ಯೆಯನ್ನು ಹೋಗಲಾಡಿಸಲು ಆ್ಯಪಲ್ 'ವೆಹಿಕಲ್ ಮೋಷನ್ ಕ್ಯೂಸ್'ಎಂಬ ಹೊಸ ಫೀಚರ್ ನೀಡಿದೆ.ಈ ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸುವ ಮೂಲಕ,ವಾಹನದ ವೇಗಕ್ಕೆ ಅನುಗುಣವಾಗಿ ಸ್ವಲ್ಪ ಅಲುಗಾಡುವ ಪರಿಣಾಮವು ಪರದೆಯ ಮೇಲೆ ಗೋಚರಿಸುತ್ತದೆ.ಇದರಿಂದ ಕಾರಿನಲ್ಲಿ ಮೊಬೈಲ್ ನೋಡುವಾಗ ತಲೆ ಸುತ್ತುವ ಸಮಸ್ಯೆ ಕಡಿಮೆಯಾಗುತ್ತದೆ ಎನ್ನಲಾಗಿದೆ.ಈ ವರ್ಷದ ಕೊನೆಯಲ್ಲಿ ಆಪಲ್ iOS 18 ರ ಅಂತಿಮ ಆವೃತ್ತಿಯಲ್ಲಿ ಈ ಹೊಸ ವೈಶಿಷ್ಟ್ಯವು ಸಾಮಾನ್ಯ ಜನರಿಗೆ ಲಭ್ಯವಾಗಲಿದೆ ಎನ್ನಲಾಗಿದೆ. 

ವಾಹನ ಚಾಲನೆಯ ಸೂಚನೆಗಳ ವೈಶಿಷ್ಟ್ಯವೇನು? : 
ನಿಮ್ಮ ಫೋನ್ ಅಥವಾ ಟ್ಯಾಬ್ಲೆಟ್ ಅನ್ನು ಕಾರಿನಲ್ಲಿ ಬಳಸುವಾಗ ಭಯ ಪಟ್ಟಿದ್ದೀರಾ ? ಕಾರಿನಲ್ಲಿ ಪ್ರಯಾಣ ಮಾಡುವಾಗ ನಮ್ಮ ಕಣ್ಣುಗಳು ನೋಡುವುದಕ್ಕೂ ದೇಹ ಪಡೆಯುವ ಅನುಭವಕ್ಕೂ ವ್ಯತ್ಯಾಸ ಇರುತ್ತದೆ.  ಈ ಕಾರಣದಿಂದ ಕಾರಿನಲ್ಲಿ ಮೊಬೈಲ್ ನೋಡುತ್ತಿದ್ದರೆ ಭಯ, ತಲೆಸುತ್ತುವ ಅನುಭವ ಆಗುತ್ತದೆ ಎಂದು ಆಪಲ್ ಹೇಳಿದೆ.ಈ ಹಿನ್ನೆಲೆಯಲ್ಲಿ ಆಪಲ್ 'ವೆಹಿಕಲ್ ಮೋಷನ್ ಕ್ಯೂಸ್'ಎಂಬ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಕಾರಿನ ವೇಗಕ್ಕೆ ಅನುಗುಣವಾಗಿ ಪರದೆಯ ಮೇಲೆ ಚಲಿಸುವ ಚುಕ್ಕೆಗಳನ್ನು ತೋರಿಸುವ ಮೂಲಕ ನಿಮ್ಮ ಕಣ್ಣುಗಳು ಮತ್ತು ದೇಹದ ಭಾವನೆಯನ್ನು ಸಂಯೋಜಿಸಲು ಇದು ನಿಮಗೆ ಸಹಾಯ ಮಾಡುತ್ತದೆ.

ಇದನ್ನೂ ಓದಿ : Hyundai Creta: ಭರ್ಜರಿ ಸೇಲ್‌ ಆಗುತ್ತಿರುವ ಹೊಸ ಹುಂಡೈ ಕ್ರೆಟಾದ ವೈಶಿಷ್ಟ್ಯಗಳ ಬಗ್ಗೆ ತಿಳಿಯಿರಿ

ಈ ವೈಶಿಷ್ಟ್ಯ ಫೋನ್‌ಗಳು ಮತ್ತು ಟ್ಯಾಬ್ಲೆಟ್‌ಗಳಲ್ಲಿ ಕೆಲಸ ಮಾಡುತ್ತದೆ : 
ಈ ಹೊಸ ವೈಶಿಷ್ಟ್ಯವು ಪ್ರಸ್ತುತ iOS 18 ಚಾಲನೆಯಲ್ಲಿರುವ ಫೋನ್‌ಗಳು ಮತ್ತು ಟ್ಯಾಬ್ಲೆಟ್‌ಗಳಲ್ಲಿ ಮಾತ್ರ ಲಭ್ಯವಿರುತ್ತದೆ.ವರದಿಗಳ ಪ್ರಕಾರ,ಈ ವೈಶಿಷ್ಟ್ಯವನ್ನು ಆನ್ ಮಾಡುವ ಬಟನ್ ಇನ್ನೂ ಸರಿಯಾಗಿ ಕಾರ್ಯನಿರ್ವಹಿಸುತ್ತಿಲ್ಲ.ಇದನ್ನು ಶೀಘ್ರವೇ ಸರಿಪಡಿಸಲಾಗುವುದು.

ಈ ವೈಶಿಷ್ಟ್ಯವನ್ನು ಪ್ರವೇಶಿಸುವುದು ಹೇಗೆ? :
- ಪರದೆಯ ಮೇಲಿನ ಬಲ ಮೂಲೆಯಿಂದ ಕೆಳಗೆ ಸ್ವೈಪ್ ಮಾಡುವ ಮೂಲಕ  ಕಂಟ್ರೋಲ್ ಸೆಂಟರ್ ತೆರೆಯಿರಿ. 
- ಕಂಟ್ರೋಲ್ ಸೆಂಟರ್ ಅನ್ನು ಕಸ್ಟಮೈಸ್ ಮಾಡಲು,ಯಾವುದೇ ಖಾಲಿ ಸ್ಪೇಸ್ ಅನ್ನು ಒತ್ತಿ ಹಿಡಿದುಕೊಳ್ಳಿ.
- 'Add Controls'ಮೇಲೆ ಟ್ಯಾಪ್ ಮಾಡಿ.
- 'ವಿಷನ್ ಆಕ್ಸೆಸಿಬಿಲಿಟಿ' ನಿಯಂತ್ರಣಗಳನ್ನು ಪ್ರವೇಶಿಸಲು ಮೇಲಕ್ಕೆ ಸ್ವೈಪ್ ಮಾಡಿ ಮತ್ತು ನಂತರ "Vehicle Motion Cues"" ಆಯ್ಕೆಮಾಡಿ.
- ಕಸ್ಟಮೈಸೆಶನ್ ಮೋಡ್‌ನಿಂದ ಹೊರ ಬರಲು ಕಂಟ್ರೋಲ್ ಸೆಂಟರ್ ನಲ್ಲಿ  ಖಾಲಿ ಸ್ಪೇಸ್ ಅನ್ನು ಒತ್ತಿ ಹಿಡಿದುಕೊಳ್ಳಿ.
- 'Vehicle Motion Cues' ಗುಂಡಿಯನ್ನು ಒತ್ತಿ ನಂತರ "On" ಅಥವಾ "Only in Vehicle" ಆಯ್ಕೆಮಾಡಿ.

ಇದನ್ನೂ ಓದಿ :ಈ ಐದು ಟ್ರಿಕ್ಸ್ ನಿಮಗೆ ಗೊತ್ತಿದ್ದರೆ ನಿಮ್ಮ WhatsApp account ಎಂದಿಗೂ ಹ್ಯಾಕ್ ಆಗುವುದಿಲ್ಲ !

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...