ಒಂದರ ನಂತರ ಒಂದರಂತೆ ಹೊರಬಂದ ʻ102 ಹಾವುಗಳುʼ.. ಉರಗ ರಾಶಿ ಕಂಡು ಮನೆ ಮಾಲೀಕ ಶಾಕ್‌! ವಿಡಿಯೋ ನೋಡಿ

102 snakes video

snake breeding video: ನಿಮ್ಮ ಮನೆಯಲ್ಲಿ ಗಿಡಗಳು ಮತ್ತು ಮರಗಳಿದ್ದರೆ ಹಾವುಗಳನ್ನು ನೋಡುವುದು ಸಹಜ. ಆದರೆ ಒಂದೇ ದಿನದಲ್ಲಿ ಸುಮಾರು 100 ಹಾವುಗಳನ್ನು ನೋಡಿದರೆ ಹೇಗಾಗ ಬೇಡ? ಈ ಭಯಾನಕ ಘಟನೆ ಸಿಡ್ನಿಯಲ್ಲಿರುವ ಡೇವಿಡ್ ಸ್ಟೈನ್ ಅವರ ಮನೆಯಲ್ಲಿ ನಡೆದಿದೆ. ಡೇವಿಡ್ ಮನೆಯ ತೋಟದಲ್ಲಿ 102 ಕೆಂಪು ಹೊಟ್ಟೆಯ ಕಪ್ಪು ಹಾವುಗಳನ್ನು ಸೆರೆ ಹಿಡಿಯಲಾಯಿತು.

ಡೇವಿಡ್ ಅವರ ನಿವಾಸ ಪಶ್ಚಿಮ ಸಿಡ್ನಿಯ ಹಾರ್ಸ್ಲಿ ಪಾರ್ಕ್‌ನಲ್ಲಿದೆ. ಶುಕ್ರವಾರ ತಮ್ಮ ಹಿತ್ತಲಿನಲ್ಲಿ ಸುಮಾರು ಆರು ಹಾವುಗಳನ್ನು ಕಂಡರು.  ತಕ್ಷಣವೇ ಹಾವು ಹಿಡಿಯುವವರಿಗೆ ಮಾಹಿತಿ ನೀಡಿದರು. ಅವರು ಸ್ಥಳಕ್ಕೆ ಬಂದು ಐದು ದೊಡ್ಡ ಹಾವುಗಳನ್ನು ಹಿಡಿದರು. ಅವುಗಳಲ್ಲಿ ನಾಲ್ಕು ಹೊಟ್ಟೆಯಲ್ಲಿ ಮೊಟ್ಟೆಗಳು ಹೊರಬರಲು ಸಿದ್ಧವಾಗಿದ್ದವು. ಸಂತಾನೋತ್ಪತ್ತಿ ಕಾಲದಲ್ಲಿ ಹಾವುಗಳು ಹಿಂಡು ಹಿಂಡಾಗಿ ಬರುತ್ತವೆ ಎಂದು ಅರಿತುಕೊಂಡ ಡೇವಿಡ್ ಮತ್ತು ಹಾವು ಹಿಡಿಯುವವರು ಒಟ್ಟಾಗಿ ತಪಾಸಣೆ ನಡೆಸಲು ನಿರ್ಧರಿಸಿದರು. 

ಇದನ್ನೂ ಓದಿ: ಕುಡಿದ ಮತ್ತಲ್ಲಿ ಚಾಲಕನ ತೊಡೆಯ ಮೇಲೆ ಕುಳಿತ ಯುವತಿ!...ಮುಂದೇನಾಯ್ತು ವಿಡಿಯೋ ನೋಡಿ!

ಆರಂಭದಲ್ಲಿ 40 ಹಾವುಗಳು ಸೆರೆ ಸಿಕ್ಕವು. ನಂತರದ ಹುಡುಕಾಟದಲ್ಲಿ ಹಾವುಗಳ ಸಂಖ್ಯೆ 102 ಕ್ಕೆ ತಲುಪಿತು. ಡೇವಿಡ್ ಮನೆಯಲ್ಲಿ ಐದು ಹೆಣ್ಣು ಹಾವುಗಳು ಮತ್ತು 97 ಮರಿ ಹಾವುಗಳಿದ್ದವು. ಇವುಗಳಲ್ಲಿ ಹದಿನಾಲ್ಕು ಹಾವು ಮರಿಗಳನ್ನು ಮನೆಯ ಗೋಡೆಯ ರಂಧ್ರದಿಂದ ಹಾಕಿತ್ತು ಎಂದು ಹಾವು ಹಿಡಿಯುವರು ಹೇಳಿದರು.

ಸಂತಾನೋತ್ಪತ್ತಿ ಕಾಲದಲ್ಲಿ ಹೆಣ್ಣು ಹಾವುಗಳು ಒಂದೇ ಸ್ಥಳದಲ್ಲಿ ಸೇರುವುದು ಸಹಜ. ಆದರೆ ಮರಿಗಳು ಜನಿಸಿದ ನಂತರ ಅವು ಮತ್ತೆ ಅಲ್ಲಿಯೇ ಉಳಿದು ಹೆಚ್ಚಿನ ಮರಿಗಳಿಗೆ ಜನ್ಮ ನೀಡುವುದು ಅಪರೂಪ. ಸ್ಥಳ ಶಾಂತಿಯುತವಾಗಿದ್ದರೆ ಈ ರೀತಿ ಮಾಡುತ್ತವಂತೆ. ಕೆಂಪು ಹೊಟ್ಟೆಯ ಕಪ್ಪು ಮೈ ಬಣ್ಣದ ಈ ಹಾವುಗಳು ಅತ್ಯಂತ ವಿಷಕಾರಿ ಆಗಿವೆ. ಮನೆಗಳಿಂದ ತೆಗೆದುಹಾಕಲಾದ ಎಲ್ಲಾ 102 ಹಾವುಗಳನ್ನು ಸುರಕ್ಷಿತ ಸ್ಥಳಕ್ಕೆ ಬಿಡಲಾಯಿತು. 

ಇದನ್ನೂ ಓದಿ: ಈ ವಿಡಿಯೋ ನೋಡಿದ್ರೆ ನಿಮ್ಮ ಮನಸು ಕಲ್ಲಾಗಿದ್ರೂ ಕಣ್ಣೀರು ಬರುತ್ತೆ..! ಎಲ್ಲಾರು ಮಾಡುವುದು ಹೊಟ್ಟೆಗಾಗಿ.. ಗೇಣು ಬಟ್ಟೆಗಾಗಿ