Empuraan First Look | മാരക സാധനം ലോഡിങ്ങ്, എമ്പുരാൻറെ ഫസ്റ്റ് ലുക്ക് ശനിയാഴ്ച

അങ്ങനെ  പ്രേക്ഷകരുടെ ചങ്കിടിപ്പ് കൂട്ടി എമ്പുരാൻറെ ഫസ്റ്റ് ലുക്ക് അറിയിപ്പെത്തി. മോഹൻലാൽ, പൃഥിരാജ് എന്നിവർ സാമൂഹ്യ മാധ്യമങ്ങൾ വഴിയാണ് അറയിച്ചത്. മെഷിൻ ഗണ്ണു ഹെലി കോപ്റ്ററും മരുഭൂമിയിലെന്ന പോൽ പുകച്ചുരുളും നിറഞ്ഞ അന്തരീഷമാണ് ചിത്രത്തിൽ. ഇതിനോടകം നിരവധി പേരാണ് പോസ്റ്റർ റീ ട്വീറ്റ് ചെയ്തത്. ശനിയാഴ്ച 5 മണിക്ക് ഫസ്റ്റ് ലുക്കെത്തും എന്നാണ് താരങ്ങളുടെ സാമൂഹ്യ മാധ്യമ പോസ്റ്റ്. എമ്പുരാന്റെ ആദ്യ ഷെഡ്യൂൾ പൂർത്തിയായതായി നേരത്തെ പൃഥിരാജ് വ്യക്തമാക്കിയിരുന്നു.

മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം പ്രദർശനത്തിന് എത്തും. മുരളി ​ഗോപിയാണ് ചിത്രത്തിന്റെ തിരക്കഥ നിർവ്വഹിക്കുന്നത്. 2024 പകുതിയോടെ ചിത്രം തിയേറ്ററുകളില്‍ എത്തുമെന്നാണ് നിലവിലെ സൂചന. 2022 ഓഗസ്റ്റിലായിരുന്നു എമ്പുരാന്റെ ഔദ്യോഗിക പ്രഖ്യാപനം . ഇതൊരു പാന്‍ ഇന്ത്യന്‍ ചിത്രമല്ല മറിച്ച് പാന്‍ വേള്‍ഡ് ചിത്രമായാണ് നിര്‍മ്മാതാക്കള്‍ വിഭാവനം ചെയ്തിരിക്കുന്നതെന്നാൻ് മോഹന്‍ലാല്‍ എമ്പുരാനെ പറ്റി പറഞ്ഞത്. മോഹൻലാലിനൊപ്പം മഞ്ജു വാര്യർ, ടൊവിനോ തോമസ് എന്നിവരും ലൂസിഫറിൻറെ രണ്ടാം ഭാ​ഗമായ എമ്പുരാനിലുണ്ടാവും.

L2E - EMPURAAN

First look 11/11/23; 5PM IST #L2E #Empuraan

Malayalam | Tamil | Telugu | Kannada | Hindi@PrithviOfficial #muraligopy @antonypbvr @aashirvadcine @Subaskaran_A @LycaProductions @gkmtamilkumaran @prithvirajprod #SureshBalaje #GeorgePius @ManjuWarrier4 @ttovino… pic.twitter.com/M4Lkq6tBxQ

— Mohanlal (@Mohanlal) November 10, 2023

ഹോളിവുഡ് സിനിമയ്ക്ക് സമാനമായ ലൊക്കേഷനും ചിത്രീകരണവുമാണ് എമ്പുരാനായി ആസൂത്രണം ചെയ്തിരിക്കുന്നതെന്ന് റിപ്പോർട്ടുണ്ട്. ഇന്ത്യ കൂടാതെ മറ്റ് ആറ് രാജ്യങ്ങളിൽ സിനിമയുടെ ചിത്രീകരണം നടക്കും. മലയാളത്തില്‍ ആദ്യമായി 200 കോടി ക്ലബിലെത്തിയ ചിത്രമാണ് ലൂസിഫർ. അതുകൊണ്ട് തന്നെ ചിത്രത്തിന്റെ രണ്ടാം ഭാ​ഗത്തിനായി വലിയ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്.