കമിതാക്കൾക്കായി ഒരു അടിപൊളി റീൽ ചലഞ്ചുമായിടീം ഓ മൈ ഡാർലിങ് സിനിമയുടെ അണിറപ്രവർത്തകർക്ക്. വാലന്റൈൻസ് ദിനത്തോട് അനുബന്ധിച്ച് ചിത്രത്തിന്റെ അടുത്തിടെ പുറത്തിറങ്ങിയ ടീസർ രംഗം റീൽസായി പങ്കുവക്കുന്നവർക്കാണ് ഓ മൈ ഡാർലിങ് ടീം അടിപൊളി സമ്മാനം ഒരുക്കുന്നത്. ചലഞ്ചിൽ വിജയികൾക്ക് ടീം പ്രഖ്യാപിച്ചിരിക്കുന്നത് വാലന്റൈൻ ദിനത്തിൽ സ്പെഷ്യൽ പ്രോഗ്രാമിൽ അതിഥികൾ ആകുവാനുള്ള അവസരമാണ്.
ചലഞ്ചിൽ പങ്കെടുക്കുന്നവർക്ക് എല്ലാവർക്കും ചിത്രത്തിന്റെ ഫ്രീ ടിക്കറ്റ് ലഭിക്കുന്നതാണ്. കൂടാതെ തിരഞ്ഞെടുക്കുന്ന 100 പേർക്ക് ഓ മൈ ഡാർലിങ് ടീമിനോടൊപ്പം കൊച്ചി ക്രൗൺ പ്ലാസയിൽ വെച്ച് വാലന്റൈൻസ് ദിനത്തിലെ പ്രത്യേക ഡിന്നറിൽ അതിഥിയാകാനുള്ള അവസരവും ലഭിക്കുന്നത്. മത്സരത്തിൽ പങ്കെടുക്കുന്നവർ #OhMyDarlingReelsChallenge #OhMyDarlingMovie എന്ന ടാഗുകൾ ഉപയോഗിക്കേണ്ടതാണ്.
ALSO READ : Mahaveeryar Movie OTT : നിവിൻ പോളിയുടെ മഹാവീര്യർ ഓടിടിയിലേക്ക്; എപ്പോൾ എവിടെ കാണാം?
ബാലതാരമായി മലയാള സിനിമയിലേക്കെത്തിയ അനിഖ സുരേന്ദ്രൻ നായികയായി എത്തുന്ന ചിത്രമാണ് ഓ മൈ ഡാർലിങ്. ആല്‍ഫ്രഡ് ഡി സാമുവലാണ് ചിത്രം സംവിധാനം ചെയ്യുന്നത്. ആഷ് ട്രീ വെഞ്ച്വേഴ്സിന്റെ ബാനറില്‍ മനോജ് ശ്രീകണ്ഠയാണ് ചിത്രം നിര്‍മിക്കുന്നത്. ജിനീഷ് കെ ജോയാണ് ചിത്രത്തിന്റെ തിരക്കഥയൊരുക്കിയിരിക്കുന്നത്.
മുന്‍പെങ്ങും പറയാത്ത മനോഹരമായൊരു കൗമാര പ്രണയകഥയാണ് ഓ മൈ ഡാര്‍ലിംഗിന്റെ അടിസ്ഥാന പ്രമേയം. മെല്‍വിന്‍ ജി ബാബു, മുകേഷ്, ലെന, ജോണി ആന്റണി, മഞ്ജു പിള്ള, വിജയരാഘവന്‍, ശ്രീകാന്ത് മുരളി, നന്ദു, ഡെയ്ന്‍ ഡേവിസ്, ഫുക്രു തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. അന്‍സാര്‍ ഷായാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. വിനായക് ശശികുമാറിന്റെ വരികള്‍ക്ക് സംഗീത പകരുന്നത് ഷാന്‍ റഹ്‌മാനാണ്. ലിജോ പോള്‍ എഡിറ്റിംഗും എം ബാവ ആര്‍ട്ടും നിര്‍വഹിച്ചിരിക്കുന്നു. വിജീഷ് പിള്ളയാണ് ക്രിയേറ്റീവ് ഡയറക്ടര്‍.
ചീഫ് അസോസിയേറ്റ് - അജിത് വേലായുധന്‍, മ്യൂസിക് - ഷാന്‍ റഹ്‌മാന്‍, ക്യാമറ - അന്‍സാര്‍ ഷാ, എഡിറ്റര്‍ - ലിജോ പോള്‍, പ്രൊഡക്ഷന്‍ കണ്‍ട്രോളര്‍ - ഷിബു ജി സുശീലന്‍, ആര്‍ട്ട് - അനീഷ് ഗോപാല്‍, കോസ്റ്റ്യൂം - സമീറ സനീഷ്, മേക്കപ്പ് - റോണി വെള്ളത്തൂവല്‍, എക്‌സിക്യൂട്ടീവ് പ്രൊഡ്യൂസര്‍ - വിനോദ് എസ്, ഫിനാൻഷ്യൽ കണ്ട്രോളർ - പ്രസി കൃഷ്ണ പ്രേം പ്രസാദ്, വരികള്‍ - ബി. ഹരിനാരായണൻ, ലിൻഡ ക്വറോ, വിനായക് ശശികുമാര്‍, പിആര്‍ഒ - ആതിര ദില്‍ജിത്, ഡിജിറ്റല്‍ മാര്‍ക്കറ്റിംഗ് - അനൂപ് സുന്ദരന്‍, ഡിസൈന്‍ കണ്‍സള്‍ട്ടന്റ്‌സ് - പോപ്‌കോണ്‍, പോസ്റ്റര്‍ ഡിസൈന്‍ - യെല്ലോ ടൂത്ത്‌സ്, സ്റ്റില്‍സ് - ബിജിത് ധര്‍മ്മടം എന്നിവരാണ് മറ്റ് അണിയറപ്രവര്‍ത്തകർ.
