'पुष्पा 2' चा अमेरिकेत डंका, रिलीजपूर्वीच चित्रपटाने अमेरिकेत बनवला नवीन रेकॉर्ड

Pushpa 2 Pre Sales In America: अल्लू अर्जुनच्या 'पुष्पा 2' चित्रपटाची जगभरात चर्चा सुरु आहे. चित्रपट प्रदर्शित होण्यापूर्वी या चित्रपटाच्या टीझर आणि गाण्याने चाहत्यांमध्ये या चित्रपटाबद्दल प्रचंड उत्सुकता वाढवली आहे. 'पुष्पा 2' हा चित्रपट 2024 मधील बहुप्रतिक्षित  चित्रपटांपैकी एक आहे. जो रिलीजपूर्वीच भारतातच नाही तर विदेशात देखील धुमाकूळ घालत आहे. 

2021 मध्ये प्रदर्शित झालेल्या 'पुष्पा' चित्रपटाचा हा सिक्वेल आहे. 'पुष्पा 2' चित्रपटाचा प्रीमियर 4 डिसेंबर  2024 रोजी पार पडणार आहे. हा चित्रपट 5 डिसेंबर रोजी सर्व चित्रपटगृहात प्रदर्शित होणार आहे. 'पुष्पा 2' चित्रपटाने रिलीजपूर्वीच अनेक रेकॉर्ड मोडले आहेत. या चित्रपटाने अमेरिकेत 15000 हजार पेक्षा जास्त तिकीट विक्री केली आहे. यासोबतच 'पुष्पा 2' हा चित्रपट सर्वात जलद अशी कामगिरी करणारा चित्रपट ठरला आहे. 

4 डिसेंबरला होणार यूएसए प्रीमियर

'पुष्पा 2' चित्रपटाने रिलीजपूर्वीच यूएस मार्केटमध्ये मोठ्या प्रमाणात तिकीट विक्री करून नवीन रेकॉर्ड तयार केला आहे. भारतासह 'पुष्पा 2' चित्रपटाची उत्सुकता अमेरिकेतील लोकांना देखील आहे. सध्या चाहते देखील या चित्रपटाची आतुरतेने वाट पाहत आहे. नुकताच निर्मात्यांनी 'पुष्पा 2' चित्रपटाचा एक नवीन पोस्टर शेअर केला आहे. ज्यामध्ये त्यांनी म्हटलं आहे की, एकामागून एक विक्रम मोडत #पुष्पा2 या चित्रपटाने रिलीजपूर्वीच अमेरिकेत 15 हजारांहून अधिक तिकीट विक्री केली आहे. त्यासोबत या चित्रपटाने एक नवीन रेकॉर्ड तयार केला आहे. 

View this post on Instagram

'पुष्पा 2' चित्रपटात दिसणार हे कलाकार

'पुष्पा 2' हा चित्रपट सुकुमार यांनी दिग्दर्शित केला आहे. 'पुष्पा 2'  चित्रपटात अभिनेता अल्लू अर्जुन आणि रश्मिका मंदाना हे मुख्य भूमिकेत दिसणार आहेत. तर फहद फासिल खलनायकाच्या भूमिकेत दिसणार आहे. या चित्रपटात अल्लू अर्जुन पुन्हा एकदा धाडसी भूमिकेत दिसणार आहे. हा चित्रपट अॅक्शन, ड्रामा आणि इमोशनचा एक रोमांचक मिश्रण आणणार आहे.