अभिषेक बच्चनच्या एक्स गर्लफ्रेंडने शेअर केला ऐश्वर्यासोबत फोटो; कॅप्शनने वेधलं सर्वांच लक्ष

मुंबई : बॉलीवूड इंडस्ट्रीत रोज काही ना काही कॅट फाईट होत असतात. तर दुसरीकडे अनेक सेलिब्रिटी एकमेकांचे खूप चांगले मित्र बनतात. असंच काहीसं मनीष मल्होत्राच्या दिवाळी पार्टीत पाहायला मिळालं. या पार्टीत बॉलिवूड इंडस्ट्रीतील अनेक सेलेब्स पोहोचले होते. त्याचवेळी चाहत्यांच्या नजरा एका फोटोवर खिळल्या आहेत. हा फोटो करिश्मा कपूर आणि ऐश्वर्या राय बच्चनचा आहे.

पार्टीत ऐश्वर्या पती अभिषेक बच्चनसोबत पोहोचली होती. तर करिश्मा पार्टीत तिच्या खास मित्राला भेटण्यासाठी एकटीच आली होती. या पार्टीचे अनेक फोटो आणि व्हिडिओ सध्या सोशल मीडियावर मोठ्या प्रमाणात व्हायरल होत आहेत.

करिश्मा कपूरसोबत ऐश्वर्या राय दिसली
करिश्मा कपूरने तिच्या इंस्टाग्राम स्टोरीवर मनीष मल्होत्राच्या दिवाळी पार्टीचा एक फोटो शेअर केला आहे. या फोटोमध्ये करिश्मा कपूर ऐश्वर्या राय बच्चनसोबत पोज देताना दिसत आहे. करिश्मा आणि ऐश्वर्यासोबत माधुरी दीक्षितही या फोटोसाठी पोज देताना दिसत आहेत.

फोटो शेअर करत करिश्माने कॅप्शनमध्ये लिहिलं की, 'Reunited with OG's तिने हार्ट इमोजी आणि लाइटनिंग इमोजीसह हे कॅप्शन शेअर केलं आहे. लाल रंगाच्या साडीत करिश्मा खूपच सुंदर दिसत आहे. त्याचबरोबर ऐश्वर्या पिंक कलरच्या सलवार सूटमध्ये सुंदर दिसत आहे.

अभिषेक बच्चन आणि करिश्मा कपूर यांनी डेट केलं होतं
अभिषेक बच्चन आणि करिश्मा कपूर यांच्यात अनेक वर्षांपासून अशी अफवा होती की दोघेही डेट करत आहेत. दोघंही एंगेजमेंट करणार होते. अभिषेकची बहीण श्वेता बच्चन हिचे लग्न करिश्मा कपूरचा चुलत भाऊ निखिल नंदासोबत झालं आहे. त्याचबरोबर त्यांच्या तुटलेल्या एंगेजमेंटच्या बातम्यांनी बरीच मथळे निर्माण केले होते.

20 एप्रिल 2007 रोजी अभिषेक आणि ऐश्वर्या राय यांचं मुंबईत लग्न झालं. आणि दोघांनाही एक लाडकी मुलगी आहे जिचं नाव त्यांनी आराध्या बच्चन ठेवलं. करिश्माने 2003 मध्ये बिझनेसमन संजय कपूरसोबत लग्न केलं. मात्र काही वर्षांनी दोघंही वेगळे झाले. करिश्मा कपूरला मुलगी अदारा आणि मुलगा कियान ही दोन मुलं आहेत.