Subhash Ghai Birthday : अभिनयापासून दिग्दर्शनापर्यंतचा प्रेरणादायक प्रवास

subash ghai's birthday: सुभाष घई यांनी त्यांच्या करिअरची सुरुवात राजेश खन्ना आणि शर्मिला टागोर यांच्या सोबत 'आराधना' या चित्रपटात केली होती. त्यानंतर 'उमंग', 'भारत के शाहिद', 'शेरनी' आणि 'नाटक' यांसारख्या चित्रपटांमध्ये देखील त्यांची छोटी भूमिका होती, पण ते प्रेक्षकांच्या पसंतीस पडले नाहीत. संघर्ष करत, त्यांनी दिग्दर्शन क्षेत्रात पदार्पण केले आणि 'कालीचरण' या चित्रपटाने त्यांना दिग्दर्शक म्हणून एक वेगळे स्थान मिळवून दिले.

त्यांनी 'विश्वनाथ', 'गौतम गोविंदा', 'कर्ज', 'हिरो', 'राम लखन', 'खलनायक' आणि 'यादें' यासारख्या ब्लॉकबस्टर चित्रपटांचा दिग्दर्शक केला. 'राम लखन' आणि 'खलनायक' या चित्रपटांनी सुभाष घईंच्या कारकिर्दीला एक वेगळी दिशा दिली. 'राम लखन' हे चित्रपट सिनेमा प्रेमींमध्ये आजही एक हिट म्हणून ओळखले जातात, तर 'खलनायक' ने समाजातील एका संवेदनशील मुद्द्यावर जोरदार प्रकाश टाकला. 

त्यांचा चित्रपट निर्मिती आणि लेखनक्षेत्रातही योगदान मोठं आहे. 'कर्जा', 'विधाता', 'कांची' आणि 'ब्लॅक अँड व्हाईट' हे सुद्धा त्यांच्या दिग्दर्शनाचे वेगवेगळे पैलू प्रदर्शित करणारे चित्रपट होते. 

हे ही वाचा: अभिनय क्षेत्रात फ्लॉप ठरूनही, आज अब्जाधीश आहे 'ही' अभिनेत्री; ओळखलं का?

सुभाष घई यांनी एका मुलाखतीत सांगितले की, त्यांनी कधीही आपला चित्रपट पाहिला नाही. अरबाज खानच्या शोमध्ये ते म्हणाले, 'माझा चित्रपट हिट झाला, पण मी तो कधीही पाहिला नाही. काही वेळा तो टीव्हीवर येतो, रील्स बनतात, तेव्हा मी थोडं पाहतो, पण मी हसतो आणि विचार करतो की मी याहुन चांगले काम करू शकलो असतो. मी प्रत्येक वेळेस भूतकाळाशी जोडून राहायचं टाळतो आणि वर्तमानातच आनंद घेतो.'

त्यांच्या या दृष्टिकोनामुळे सुभाष घई बॉलिवूडच्या एक प्रेरणा ठरले आहेत. त्यांच्या दिग्दर्शनात एक नवा विचार आणि एक नवा उत्साह दिसतो आणि त्यांचं कार्य आजही आगामी दिग्दर्शकांसाठी एक आदर्श म्हणून राहील.