नवीन सूत्रानुसार केंद्रीय कर्मचाऱ्यांच्या पगारात होणार भरघोस वाढ? जाणून घ्या अपडेट

मुंबई : 7th Pay Commission latest news: केंद्र सरकारच्या कर्मचाऱ्यांसाठी एक आनंदाची बातमी आहे. सूत्रांनी दिलेल्या माहितीनुसार, पुढचा वेतन आयोग येवो अथवा न येवो, पण पगारवाढीसाठी नवा फॉर्म्युला तयार होईल. फिटमेंट फॅक्टरमधून पगार वाढवण्याऐवजी आता नवीन फॉर्म्युल्यानुसार मूळ पगार वाढवण्याचा विचार केला जाऊ शकतो. याशिवाय दरवर्षी मूळ वेतनात वाढ करण्याची योजना आहे. मात्र, नवीन फॉर्म्युला 2024 नंतर लागू होण्याची शक्यता आहे. 

दरवर्षी मूळ वेतन निश्चित होणार

7 व्या वेतन आयोगाच्या शिफारशी 2016 मध्ये लागू करण्यात आल्या. सूत्रांनी दिलेल्या माहितीनुसार, केंद्रीय कर्मचार्‍यांचे पगार ठरवण्यासाठी दरवर्षी केंद्रीय कर्मचार्‍यांचे पगार नव्या फॉर्म्युल्याद्वारे निश्चित केले जातील.

मात्र, या प्रकरणाला सरकारकडून दुजोरा मिळालेला नाही. आता वेतन आयोगापासून वेगळे पगार वाढवण्याच्या सूत्रावर विचार करण्याची वेळ आली असल्याचे सूत्रांचे मत आहे. कर्मचाऱ्यांच्या पगारात दरवर्षी वाढ करणे हा एक चांगला पर्याय असू शकतो.

कोणत्या नवीन फॉर्म्युलावर चर्चा होत आहे?

केंद्रीय कर्मचाऱ्यांच्या पगारवाढीसाठी Aykroyd फॉर्म्युल्याचा विचार केला जाऊ शकतो. या नव्या फॉर्म्युल्याची चर्चा अनेक दिवसांपासून सुरू आहे. वास्तविक, सध्या सरकारी कर्मचाऱ्यांचे किमान मूळ वेतन फिटमेंट फॅक्टरच्या (Fitment Factor) आधारे ठरवले जाते. या महागाई भत्त्यावर दर सहा महिन्यांनी सुधारणा केली जाते.

वेतन रचनेचे नवीन सूत्र

न्यायमूर्ती माथूर यांनी 7व्या वेतन आयोगाच्या शिफारशींच्या वेळीच सूचित केले होते की आम्हाला वेतन रचना नवीन सूत्र (आयक्रोयड फॉर्म्युला) मध्ये हलवायची आहे. यामध्ये राहणीमानाचा खर्च लक्षात घेऊन पगार ठरवला जातो. कर्मचाऱ्यांना महागाईच्या तुलनेत वेतन मिळणे ही काळाची गरज आहे. 

आयक्रोयड फॉर्म्युला लेखक वॉलेस रुडेल आयक्रोयड यांनी दिला होता. सामान्य माणसासाठी अन्न आणि वस्त्र हे सर्वात महत्त्वाचे आहे, असे त्यांचे मत होते. त्यांच्या किमतीत वाढ झाल्याने कर्मचाऱ्यांचे पगार वाढले पाहिजेत.