Goa Murder Case: औषध, उशी, निर्दयी आई अन् करुण अंत; वडिलांनी 4 वर्षाच्या चिमुकल्यावर केले अंत्यसंस्कार

गोव्यात एका 4 वर्षाच्या निष्पाप मुलाची त्याच्याच आईने हत्या केली. त्याच्या वडिलांनी बुधवारी 10 जानेवारीम बेंगळुरू येथे अंत्यसंस्कार केले. या हत्येप्रकरणी सुचना सेठ नावाच्या महिलेला कर्नाटकातील चित्रदुर्ग येथून अटक करण्यात आली होती.

मुलाचे वडील वेक्टरमन पीआर, मूळचे केरळचे असून ते इंडोनेशियामध्ये राहतात. मुलाच्या हत्येची माहिती मिळताच त्यांनी बेंगळुरू गाठले आणि तेथून चित्रदुर्ग येथे पोहोचून शवविच्छेदनाची औपचारिकता पूर्ण केली. यानंतर मुलाचे पार्थिव राजाजी नगर येथील हरिश्चंद्र घाटावर नेण्यात आले, तेथे रमण यांनी अंत्यसंस्कार केले.

गुदमरल्याने मुलाचा मृत्यू झाला

शवविच्छेदनाचे पर्यवेक्षण करणारे सरकारी डॉक्टर डॉ कुमार नाईक यांनी मंगळवारी खुलासा केला की, 36 तासांपूर्वी मुलाची हत्या करण्यात आली होती आणि त्याचा गळा दाबून खून करण्यात आला होता. डॉक्टर नाईक म्हणाले की, शरीरावर जखमांच्या कोणत्याही खुणा नाहीत, त्यामुळे उशीचा वापर करून तिचा श्वास गुदमरल्याची शक्यता आहे.

डॉ. नाईक म्हणाले, “बाळाची हत्या कदाचित कापड किंवा उशीने गळा दाबून करण्यात आली आहे. गळा दाबल्याने मुलाचा मृत्यू झाला. मला वाटत नाही की, त्याचा खून हाताने झाला आहे, तर उशीसारख्या वस्तूच्या सहाय्याने झाला आहे. कारण मुलाच्या नाकातून रक्त येत होते. 

सुनियोजित कटाखाली हत्या

चार वर्षांच्या मुलाची गळा आवळून हत्या हा सुनियोजित कट होता आणि त्याचे आधीच नियोजन करण्यात आले होते, असे बुधवारी पोलिसांनी सांगितले. याशिवाय पोलिस अधिका-यांनी असेही सांगितले की, मुलाचे वडील वेंक्टरमन या आठवड्याच्या अखेरपर्यंत तपासात सहकार्य करतील. गोवा पोलिस अधिकाऱ्यांनी सांगितले की, सुमारे 12 साक्षीदारांचे जबाब घेण्यात आले आणि उत्तर गोव्यातील कँडोलिम येथील सोल बनियन ग्रँड हॉटेलमधील खोलीची तपासणी करण्यात आली. 

खोकल्याचे औषध 

6 जानेवारी रोजी सुचना सेठ यांनी त्याच हॉटेलच्या खोलीत चेक-इन केले होते. येथे बेनाड्रिल कफ सिरपच्या दोन रिकाम्या बाटल्या सापडल्या. या प्रकरणाचा तपास करणाऱ्या एका अधिकाऱ्याने सांगितले की, “दोन्ही बाटल्या हॉटेलच्या रिसेप्शनमधून खरेदी केल्या होत्या आणि त्या रिकाम्या होत्या, शक्यतो मुलाला दिल्या होत्या. ही हत्या पूर्वनियोजित असल्याचा आम्हाला संशय आहे. "आरोपींच्या पुढील चौकशीत या प्रकरणातील आणखी काही तथ्य समोर येईल."