पोलीस की गुंड, वृद्धाला लाथा-बुक्यांनी मारहाण, हा Video पाहून तुम्हालाही येईल संताप

Police beaten by Old man : पोलीस म्हणजे जनतेचे मित्र. सामान्य माणसाच्या सुरक्षेसाठी पोलीस नेहमीच तप्तर असतात. पण कायदा-सुव्यवस्था राखण्याची जबाबदारी ज्या पोलिसांवर आहे तेच बेजबाबदारपणे वागू लागले तर. असाच एक धक्कादायक व्हिडिओ सध्या सोशल मीडियावर व्हायरल होत आहे.

या व्हिडिओत एक पोलीस एका वृद्धाला अक्षरश: लाथाबुक्क्यांनी मारहाण करताना दिसत आहे. जबलपूर रेल्वे स्टेशनवरचा हा व्हिडिओ असून 28 सेकंदांचा हा व्हिडिओ सोशल मीडियावर व्हायरल झाला आहे. यावर लोकं तीव्र प्रतिक्रिया व्यक्त करत आहेत. 

व्हिडिओमध्ये एक पोलीस एका वृद्धाला प्लॅटफॉर्मवर ओढत नेतोय, नंतर त्याला लाथ मारताना दिसत आहे. धक्कादायक म्हणजे पोलीस त्या व्यक्तीला रेल्वे ट्रॅकजवळ लटकवत मारहाण करतानाही दिसत आहे.

समोरच्या प्लॅटफॉर्मवरील एका दक्ष नागरिकाने आपल्या मोबाईलमध्ये हा व्हिडिओ रेकॉर्ड केला असून तो त्याने सोशल मीडियावर शेअर केला आहे. 

वीडियो जबलपुर रेलवे स्टेशन का बताया जा रहा है रेलवे को तत्काल इसमें जांच करके एक्सन लेना चाहिए@RailMinIndia pic.twitter.com/PEyhuBPMwk

— Bramh Prakash Dubey (@bramhprakash7) July 29, 2022

हा व्हिडिओ सोशल मीडियावर व्हायरल झाल्यानंतर लोकांनी त्या पोलिसांवर कठोर कारवाईची मागणी केली आहे. इतकंच नाहीतर काही जणांनी सरकारलाही जाब विचारला आहे.