Boyfriend Loyalty Test : बॉयफ्रेंड तुमच्याशी लग्न करणार की नाही? 'या' ट्रिकने ओळखा

Will My Boyfriend Marry Me: प्रेमात पडणं ही अतिशय सामान्य बाब आहे. प्रत्येक व्यक्ती कधी ना कधी हा प्रेमात पडतोच. मुलींना प्रेमात पडल्यावर एक प्रश्न सतत सतावत राहतो ते म्हणजे हॉयफ्रेंड आपल्याशी एकनिष्ठ आहे ना? तो आपल्याला शेवटपर्यंत साथ देईल की नाही, असे अनेक प्रश्न त्या मुलीला पडतात.  प्रत्येक मुलाचा हेतू आयुष्यभर संबंध ठेवण्याचा नसतो, बऱ्याच मुलांचा हेतू फक्त टाईमपास करण्याचा असतो. तुमचा प्रियकर तुमच्याशी लग्न करेल की नाही हे कसे जाणून घ्यायचे ते पाहा. हे ओळखण्यासाठी अतिशय सोप्या ट्रिक्स आहेत ज्या तुम्हाला नात्यामध्ये सावध करतील. 

खोटं बोलण्याची सवय

जर तुमचा प्रियकर प्रत्येक छोटी गोष्ट लपवून ठेवतो, किंवा तुमच्याशी खोटे बोलतो आणि दुसऱ्याला भेटायला जातो. तर याचा अर्थ त्याच्या मनात कपट आहे आणि तो तुमच्यासोबत आयुष्य घालवण्याबद्दल अजिबात गंभीर नाही अशा मुलांपासून दूर राहा. कारण ही मुलं तुम्हाला शेवटपर्यंत साथ देणार नाहीत. 

भेटणं टाळणारा

तुम्ही ज्या मुलाशी भावनिक दृष्ट्या गुंतल्या आहात त्या मुलाला भेटण्याचा प्रयत्न करा किंवा त्याच्यासोबत चांगला वेळ घालवायचा असेल. पण जर तुमचा प्रियकर एकत्र चित्रपट पाहण्यास, एकत्र सहलीला जाण्यास किंवा एकत्र जेवण करण्यास टाळाटाळ करत असेल तर. समजून घ्या. त्याला तुमच्यापासून वेगळं करा कारण हे नातं फार दिवस टिकणार नाही, हे अगदी सुरुवातीलाच कळतंय. 

नाते गुप्त ठेवले

जो मुलगा आपले भविष्य तुमच्यासोबत पाहतो तो आपल्या मित्रांना आणि कुटुंबीयांना या नात्याबद्दल नक्कीच सांगेल, परंतु जर त्याने आपले नाते गुप्त ठेवले आणि सोशल मीडियावर एकत्र फोटो शेअर करणे टाळले तर समजून घ्या की भविष्यात तो तुम्हाला फसवू शकतो. कारण नात्यामध्ये गुप्तता असू शकत नाही. नातं हे निव्वळ प्रेमाचं असतं. 

फक्त शारीरिक जवळीक

जेव्हा तुम्ही एखाद्या व्यक्तीसोबत रिलेशनशिपमध्ये असता तेव्हा भावनिक आणि शारीरिक अशा दोन्ही गोष्टींना वाव असतो. पण जर तुमच्या प्रियकराला फक्त शारीरिक जवळीक हवी असेल. तर त्याचा अर्थ असा होतो की तो तुमचा वापर करत आहे, अशी व्यक्ती खूप धोकादायक असू शकते. कारण शारीरिक सुख सर्वस्व नसतं हे समजून घेणे देखील तितकेच महत्त्वाचे आहे.