स्वप्नील लोणकरच्या पालकांना अमित ठाकरेंकडून आर्थिक मदत

किरण ताजणे, झी मीडिया, पुणे : मनसे नेते अमित ठाकरे यांनी आत्महत्या केलेल्या स्वप्नील लोणकरच्या कुटुंबियांची सांत्वनपर भेट घेतली. यावेळी स्वप्नीलच्या आई वडिलांना दोन लाखांचा चेक देत अमित ठाकरे यांनी माझा मोबाईल नंबर देऊन जातो कधीही काही वाटलं आणि काही मदत लागली तर फोन करा. आमचा संपूर्ण पक्ष तुमच्याशी पाठीशी आहे असं आश्वासन दिलं. त्यांनंतर माध्यमांशी बोलतांना सरकार झोपलंय का? हे विचारलं पाहिजे लवकर भरती करा अशी प्रतिक्रिया अमित ठाकरे यांनी दिली आहे. 

दुसरीकडे अशा भेटू देऊन आमचा प्रश्न सुटणार नाही भरती लवकर करा आणि विद्यार्थ्यांना नोकरी लागू द्या हीच आमच्या स्वप्नीलसाठी श्रद्धांजली आहे अशी प्रतिक्रिया स्वप्नीलच्या आईवडिलांनी दिली आहे.  सरकार कशाची वाट बघतय? सरकार झोपलंय का हे विचारलं पाहिजे? आमच्या पद्धतीने आम्ही मदत करतोय, अशी प्रतिक्रिया अमित ठाकरे यांनी दिलं आहे.

स्वप्नीलचे वडील सुनील लोणकर यांची प्रतिक्रिया 

आशा भेटू देऊन आमचा प्रश्न सुटणार नाही आहेत. स्वप्नीलच्या आत्महत्येनंतर आता आयुष्यभर आम्हाला रडतखडत जगावं लागेल. आम्हाला भेटण्यापेक्षा भरती करा, आणि विद्यार्थ्यांना नोकरी द्या. आम्हाला आमचा मुलगा नोकरीला लागला असं वाटेल.  आमच्या मुलांचं बलिदान गेलंय, त्यामुळे आता सगळ्यांना जाग तरी आली. 

स्वप्नीलची आई छाया लोणकर यांची प्रतिक्रिया 

दरवर्षी भरती निघते, जागा असते म्हणून निघते ना? असा सवाल स्वप्नीलच्या आईने विचारला आहे. फक्त पैसे गोळा करण्यासाठी करतात का ? आता जर स्वप्नीलला न्याय द्यायचा असेल तर भरती करा, अशी मागणी छाया लोणकर यांनी केली आहे.  अनेक स्वप्नील सरकारने वाचवले तर बरं आहे नाही भरती झाली तर असे अनेक स्वप्नील जातील.