दिल्ली गँगरेप : देशभरातील प्रतिक्रिया
दिल्ली गँगरेप प्रकरणातील चारही आरोपींना फाशीची शिक्षा सुनावण्यात आलीय. यावरच देशभरातून एकच प्रतिक्रिया व्यक्त होतेय... ती म्हणजे ‘अखेर निर्भयाला न्याय मिळाला!’
www.24taas.com, झी मीडिया, मुंबई
आज दिल्लीच्या साकेत कोर्टानं एक ऐतिहासिक निकाल दिलाय. दिल्ली सामूहिक बलात्कार प्रकरणातील मुकेश (वय २६), विनय शर्मा (२०), पवन गुप्ता (१९) व अक्षय सिंह ठाकूर (२८) या चारही आरोपींना फाशीची शिक्षा सुनावण्यात आलीय. यावरच देशभरातून एकच प्रतिक्रिया व्यक्त होतेय... ती म्हणजे ‘अखेर निर्भयाला न्याय मिळाला!’….
> हाच खरा न्याय.... हा मानवतेला काळिमा फासणारा गुन्हा होता. हा एक खून होता. संपूर्ण देश याच निर्णयाची प्रतिक्षा करत होता. प्रसारमाध्यमांनीही यामध्ये महत्त्वाची भूमिका बजावली – किरण बेदी
> आमच्या मुलीला अखेर न्याय मिळाला - निर्भयाचे वडील
> निर्भयाच्या कुटुंबाला आणि निर्भयाला न्याय मिळालाय. न्यायालयानं हा निर्णय देऊन एक उदाहरणच समोर ठेवलंय. यामुळे असे गुन्हे करताना प्रत्येकाला शिक्षेची भीती वाटल्याशिवाय राहणार नाही – सुशीलकुमार शिंदे, केंद्रीय गृहमंत्री
> आमच्या तपास यंत्रणेसाठी ही एक समाधानाची बाब आहे – जॉईंट सीपी, दिल्ली पोलीस
> अखेर निर्भयाच्या कुटुंबाला न्याय मिळालाय. ही काही फक्त सामूहिक बलात्काराची घटना नव्हती तर या घटनेत एका मुलीचा जाणून-बुजून, थंड डोक्यानं जीव घेण्यात आला होता – शायना एन.सी, भाजप
> अशा घटना सहन केल्या जाणार नाहीत, हा संदेश देणं गरजेचं - न्यायाधीश योगेश खन्ना
• इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.
• झी २४ तासला ट्विटरवर फोलो करा.