पर्रीकरांना प्रत्येकाला शिकवायचा आहे धडा : राहुल गांधी

नवी दिल्ली  : काँग्रेस नेते राहुल गांधी यांनी उपहासात्मक ट्ववीट केलं आहे, 'राष्ट्रीय स्वयंसेवक संघ आणि संरक्षणमंत्री मनोहर पर्रीकर यांना देशातील प्रत्येकाला धडा शिकवायचा आहे.  कॉंग्रेसचे उपाध्यक्ष राहुल गांधी यांनी ट्‌विटरद्वारे ही टीका केली आहे. 

 'देशाच्या राजधानीत बसून देशाच्या विरोधात बोलण्याची लोकांची हिंमत होतेच कशी?', असा प्रश्‍न पर्रीकर यांनी शनिवारी पुणे येथील एका कार्यक्रमात उपस्थित केला होता. तसेच भविष्यात देशविरोधी बोलणाऱ्यांना धडा शिकवलाच पाहिजे, असेही ते म्हणाले होते. या पार्श्‍वभूमीवर गांधी यांनी त्यांच्यावर टीका केली.

'संघ आणि पर्रीकरजी यांना प्रत्येकाला धडा शिकवायचा आहे, असे म्हणत गांधी यांनी संघ आणि पर्रीकर यांना एक धडा दिला आहे. 'तुमच्यासाठी एक धडा: भित्रे लोक द्वेष करतात आणि द्वेषाचा कधीही विजय होत नाही', असं राहुल गांधी यांनी म्हटलं आहे.