वकील तरूणी पल्लवीचं हत्या प्रकरण ; शिक्षेची आज सुनावणी

मुंबई : पल्लवी पूरकायस्थ या वकील तरुणीच्या हत्येप्रकरणी आज शिक्षा सुनावण्यात येणार आहे. या प्रकरणी 3 जुलैला दोन्ही बाजूंचा युक्तीवाद पूर्ण झाला. 

या प्रकरणातला दोषी आरोपी सज्जाद मुगलला फाशीची शिक्षा द्यावी, अशी मागणी पल्लवीच्या आई-वडिल तसंच विशेष सरकारी वकील उज्ज्वल निकम यांनी केलीय.

9 ऑगस्ट 2012 ला पल्लवीची इमारतीचा वॉचमन सज्जाद मुगलनं हत्या केली होती.

वडाळा इथल्या भक्ती पार्क या पॉश वस्तीतल्या हिमालयन हाईट्स इमारतीत ती राहत होती. तर एका प्रसिद्ध सिनेनिर्मिती कंपनीची ती कायदेशीर सल्लागार होती.

आता तिच्या मारेक-याला आज काय शिक्षा सुनावली जाणार याकडे सगळ्याचं लक्ष लागलंय.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.