शालेय सहलीच्या बसला अपघात, सात ठार

www.24taas.com, झी मीडिया, तुळजापूर
तुळजापुरात दोन बसच्या धडकेत ७ ठार आणि १६ जण जखमी झाल्याची घटना घडलीय..मृतांमध्ये ६ विद्यार्थी आणि एका ड्रायव्हरचा समावेश आहे..तुळजापूर-सोलापूर रोडवर ही घटना घडलीय...

नागपूरहून सोलापूरला येणारी ट्रॅव्हल्स बसने सोलापूरहून तुळजापूरला जाणा-या मिनी बसला धडक दिलीय.. कोल्हापुरातल्या करवीर इथल्या सागवडे कुमार विद्यामंदीर शाळेतले विद्यार्थी सहलीसाठी आले होते..
माळुंब्रा गावाजवळ आज सकाळी ८ वाजेच्या सुमारे हा अपघात घडला. अपघात झाला तेव्हा मोठा आवाज झाला. त्यामुळे माळुंब्रा येथील गावकऱ्यांनी लगेच घटना स्थळी धाव घेतली आणि जखमी विद्यार्थ्यांना तात्काळ तुळजापूर येथील रुग्णालयात हलविले.