5 राशीच्या व्यक्तींवर पुढचे 2 महिने राहणार गुरूची कृपादृष्टी

मुंबई: प्रत्येक वेळ आपली नसते. त्यामुळे हे चक्र फिरतं राहणारं असतं. कधी वाईट तर कधी आनंद देणारी असते. पुढचे दोन महिने 12 राशींपैकी 5 राशींवर गुरूची कृपादृष्टी चांगली असणार आहे. त्याचा फायदा देखील त्या राशीच्या व्यक्तींना होणार आहे. जीवनात अनेक क्षेत्रांवर गुरूचा प्रभाव असतो. जर बृहस्पति ग्रहाची कृपा असेल तर व्यक्ती बुद्धिमान बनते, अभ्यासात आणि लेखनात उत्तम होते. जीवनात प्रगती होते आणि आदर मिळतो. 

गुरू ग्रहाच्या कृपेनं जीवन आनंदी होतं. सध्या बृहस्पति मकर राशीत आहे आणि 21 नोव्हेंबरपर्यंत या राशीत राहील. या काळात त्यांचा सर्व राशींवर लक्षणीय परिणाम होईल. कोणत्या 5 राशींवर गुरूचा कसा प्रभाव पडणार आहे जाणून घेऊया. 

मेष: मकर राशीमध्ये गुरू असणं मेष राशीच्या लोकांसाठी फायद्याचं ठरणार आहे. त्यांच्या घरात आर्थिक वृद्धी होईल. पुढील 2 महिन्यांत मेष राशीच्या लोकांना पदोन्नती, आदर, पैसा, सर्वकाही मिळेल. त्यांची कारकीर्द  चांगली राहिल्यानं प्रगती होईल. याशिवाय त्यांच्या कुटुंबातही आनंद नांदेल.

सिंह: सिंह राशीच्या लोकांना पुढील 2 महिन्यांत जवळजवळ प्रत्येक कामात यश मिळेल. गुरूच्या कृपेने पैशाचा लाभ होईल आणि करिअरसाठी देखील वेळ चांगला राहील. कार-घर खरेदीचे स्वप्न पूर्ण होऊ शकते. वैवाहिक जीवन आनंदी राहील.

वृश्चिक : वृश्चिक राशीच्या लोकांची समस्यांपासून सुटका होईल. रखडलेली कामं पूर्ण होतील, आर्थिक फायदा होईल. बऱ्याच कालावधीनंतर आनंद नांदेल. 

धनु: धनु राशीच्या लोकांच्या कारकिर्दीसाठी हा काळ उत्कृष्ट असेल. प्रगती होईल, नोकरदार लोकांना नवीन संधी मिळू शकतात. आर्थिक स्थिती सुधारेल. कौटुंबिक जीवन देखील चांगले असेल.

मीन: आर्थिक परिस्थिती चांगली होईल. मीन राशीच्या लोकांसाठीही हा काळ खूप चांगला असेल. पदोन्नती होऊ शकते. कोणतेही महत्त्वाचे काम सर्वांच्या सहकार्याने पूर्ण होईल. 

(टीप: या लेखात दिलेली माहिती सामान्य माहिती आणि गृहितकांवर आधारित आहे. झी 24 तास त्याची पुष्टी करत नाही.)