क्रिकेटच्या मैदानात दिसला WWE! बॉल बॉयने फाफ डू प्लेसिसला उचलून फेकले बाहेर, Video Viral

Photo Credit: @FanCode/ X

Abu Dhabi T10: आता अबुधाबी T10 लीग 2024 अंतिम टप्प्यात पोहोचली आहे. 30 नोव्हेंबर रोजी लीगमधील गट टप्प्यातील सामने खेळले गेले. यानंतर १ डिसेंबरपासून अर्थात आजपासून प्लेऑफचे सामने सुरू झाले आहेत. दरम्यान, दक्षिण आफ्रिकेचा माजी कर्णधार फाफ डू प्लेसिसचा एक व्हिडीओ सोशल मीडियावर व्हायरल होत आहे. तो या लीगमधील मॉरिसन सॅम्प आर्मी संघाकडून खेळत आहे. या लीगमधील एका सामन्यादरम्यान फाफ डू प्लेसिस गंभीर दुखापतीतून थोडक्यात बचावला आहे. घडलेल्या घटनेचा एक व्हिडीओ सोशल मीडियावर तुफान व्हायरल झाला आहे. 

बॉल बॉयने फाफ डू प्लेसिसला उचलून फेकले बाहेर 

अबू धाबी T10 लीग 2024 चा 21 वा सामना 26 नोव्हेंबर रोजी शेख झायेद क्रिकेट स्टेडियमवर खेळला गेला. हा सामना मॉरिसन सॅम्प आर्मी विरुद्ध  दिल्ली बुल्स असा रंगला. या सामन्यादरम्यान, बॉलच्या मागे जोरात धावत फाफ डु प्लेसिस सीमारेषेजवळ आला. यावेळी तिथे उपस्थित असलेल्या बॉल बॉयशी त्याची जोरदार टक्कर झाली. ही धडक फार जोरदार होती. यामध्ये फाफ डु प्लेसिस अगदी थोडक्यात बचावला. 

हे ही वाचा: बीसीसीआयपुढे पीसीबी झुकलं, हायब्रीड मॉडेलला पाकिस्तान मान्य; पण ठेवल्या 'या' २ अटी!

नक्की काय झालं? 

 दिल्ली बुल्सचा फलंदाज टीम डेव्हिडने डावाच्या आठव्या षटकात इसुरु उडानाच्या चेंडूवर एक्स्ट्रा कव्हरमध्ये शॉट खेळला. त्यावेळी फॅफ चेंडू रोखण्यासाठी धावला, पण चौकार बसलाच. फाफ डू प्लेसिस चेंडू थांबवण्यासाठी सीमारेषेकडे धावला तेव्हा बॉल बॉयही सीमारेषेच्या दोरीबाहेर उभा होता. त्यावेळी फाफ डू प्लेसिसला आपल्या वेगावर नियंत्रण ठेवता आले नाही आणि तो बॉल बॉयवर आदळला. त्याचवेळी, बॉल बॉय देखील बॉल पकडण्यासाठी खाली वाकला होता आणि शेवटच्या क्षणी तो अचानक उभा राहिला.  अशा स्थितीत फाफ डू प्लेसिस बॉल बॉयच्या खांद्याच्या मदतीने डिजिटल जाहिरात फलकाच्या मागे पडला. या घडलेल्या घटनेचा व्हिडीओ चाहत्यांमध्ये चांगलाच व्हायरल होत आहे. अनेक लोक या घटनेची तुलना डब्ल्यूडब्ल्यूईच्या मारामारीशी करत आहेत, जिथे हे सगळे बघायला मिळते.  

हे ही वाचा:  WWE मध्ये एका सामन्यासाठी किती पैसे मिळतात? ग्रेट खलीने केला खुलासा

बघा व्हायरल व्हिडीओ 

Admin advice: Do not try this at home! #ADT10onFanCode pic.twitter.com/1rUnjju5mM

— FanCode (@FanCode) November 29, 2024

हे ही वाचा: IND vs PAK: टीम इंडिया ढेपाळली.. टॉप-3 पाकिस्तानी धावा करणाऱ्या खेळाडूंएवढ्याही धावा भारताला करता आल्या नाहीत, झाला लाजिरवाणा पराभव

फाफ डू प्लेसिस आयपीएलमध्ये खेळणार 'या' संघातून 

फाफ डू प्लेसिस हा गेल्या काही हंगामात आयपीएलमधील आरसीबी संघाचा भाग होता आणि कर्णधारपदाची जबाबदारीही सांभाळत होता. मात्र मेगा लिलावानंतर तो आता दिल्ली कॅपिटल्स संघाकडून खेळताना दिसणार आहे.