IPL 2023 मध्ये कोरोनाची एन्ट्री, 'हा' दिग्गज पॉझिटीव्ह.... लीग रद्द होणार?

Akash Chopra Covid 19 Positive: आयपीएलच्या सोळाव्या हंगामाला धमाकेदार सुरुवात झाली आहे. 31 मार्चला भव्य उद्घाटन सोहळ्यानंतर स्पर्धेला सुरुवात झाली. आतापर्यंत सहा सामने खेळवले गेले आहेत. आयपीएलची (IPL 2023) रंगत हळूहळू वाढत असतानाच एक वाईट बातमी सममोर आली आहे. आयपीएल 2023 वर कोरोनाचं सावट पसरलंय. स्पर्धेतील एका दिग्गजाचा कोरोना (Corona) रिपोर्ट पॉझिटिव्ह (Positive) आला आहे. या दिग्गजाने स्वत: याची माहिती दिली आहे. आयपीएल 2021 स्पर्धा कोरोना महामारीमुळे मध्येच थांबवण्यात आली होती. त्यानंतर उर्वरीत सामने दुबईत खेळवण्यात आले होते.: आयपीएलच्या सोळाव्या हंगामाला धमाकेदार सुरुवात झाली आहे. 31 मार्चला भव्य उद्घाटन सोहळ्यानंतर स्पर्धेला सुरुवात झाली. आतापर्यंत सहा सामने खेळवले गेले आहेत. आयपीएलची (IPL 2023) रंगत हळूहळू वाढत असतानाच एक वाईट बातमी सममोर आली आहे. आयपीएल 2023 वर कोरोनाचं सावट पसरलंय. स्पर्धेतील एका दिग्गजाचा कोरोना (Corona) रिपोर्ट पॉझिटिव्ह (Positive) आला आहे. या दिग्गजाने स्वत: याची माहिती दिली आहे. आयपीएल 2021 स्पर्धा कोरोना महामारीमुळे मध्येच थांबवण्यात आली होती. त्यानंतर उर्वरीत सामने दुबईत खेळवण्यात आले होते.

या दिग्गजाला कोरोनाची लागण
इंडियन प्रीमिअर लीग 2023 (IPL 2023) दरम्यान टीम इंडियााच माजी सलामीवीर आणि प्रसिद्ध समालोचक आकाश चोपडा याचा कोरोना रिपोर्ट पॉझिटीव्ह आला आहे. आकाश चोपडाने (Aakash Chopra) स्वत: ही माहिती दिली आहे. कोरोनाची लागण झाल्याने आयपीएलमध्ये काही दिवस समालोचन करु शकत नसल्याचं त्याने म्हटलं आहे. 

आकाश चोपडा याने आपल्या युट्यूब चॅनलच्या कम्यूनिटी पोस्टमध्ये याबाबत माहिती दिली आहे. या पोस्टमध्ये त्याने म्हटलंय, व्यत्ययाबद्दल दिलगीर आहे. कोविडने पुन्हा एकदा स्ट्राईक केला आहे. काही दिवस कॉमेंट्री बॉक्समध्ये दिसणार नाही. घसा दुखत असल्याने आवाजाचा लोचा झालाय, वाईट वाटून घेऊ नका, देवाचे आभार लक्षणं सौम्य आहेत. असं आकाश चोपडाने म्हटलंय.

आकाश चोपडाची क्रिकेट कारकिर्द
आकाश चोपडाने ऑक्टोबर 2003 मध्ये आंतरराष्ट्रीय क्रिकेटमध्ये पदार्पण केलं. पदार्पणातच आकाश चोपडाने दमदार कामगिरी केली होती. कसोटी सामन्याच्या दोन्ही इनिंगमध्ये मिळून त्याने 73 धावा केल्या. पण यानंतर त्याच्या खेळाला ओहोटी लागली. आकाश चोपडा केवळ 10 कसोटी सामना खेळला. यात त्याने 437 धावा केल्या. कसोटी क्रिकेटशिवाय तो एकही एकदिवसीय किंवा टी20 क्रिकेट खेळू शकला नाही.

आयपीएल पॉईंटटेबल
आयपीएलच्या सोळाव्या हंगामात आतापर्यंत सहा सामने खेळले गेले आहेत. यात गुजरात टायटन्स, राजस्थान रॉयल्स, रॉयल चॅलेंजर्स बंगलोर आणि पंजाब किंग्सने प्रत्येकी एक सामना जिंकला आहे. तर कोलकाता नाईट रायडर्स, दिल्ली कॅपिटल्स, मुंबई इंडियन्स आणि सनरायझर्स हैदराबाद या पहिल्या सामन्यात पराभव पत्करावा लागला आहे. चेन्नई सुपर किंग्स् आण लखनऊ सुपर जायंट्सच्या एक विजय आणि एक पराभव जमा आहे. 

संजू सॅमसनची राजस्थान रॉयल्स पॉईंट टेबलमध्ये अव्वल स्थानावर आहे. राजस्थानने आपल्या पहिल्याच सामन्यात सनरायजर्स हैदराबादवर 72 धावांनी मात केली होती.