सांगण्याजोगे...
मंदार मुकुंद पुरकर
डॉ. शांताबाई गुलाबचंद यांचे हे जन्म शताब्दी वर्ष. खरंतर वर्तमानपत्रात त्यासंबंधी फार काही छापून आलं नाही. आता या कोण असा प्रश्न जर तुम्हाला पडला असेल तर लवासा उभारणाऱ्या हिंदुस्थान कंट्रशक्शन कंपनीच्या अजित गुलाबचंद यांच्या त्या मातोश्री. पण त्यांचे श्री विद्या प्रकाशनाने प्रसिध्द केलेले ‘सांगण्याजोगे’ हे आठवणींच्या स्वरुपातले आत्मकथन वाचल्यानंतर एका संपन्न उत्तुंग व्यक्तिमत्वाचा आपल्याला परिचय होतो.
