'या' विमानतळावरून प्रवास करणे महाग, भाड्यात 120% वाढ!

मुंबई : बंगळुरु विमानतळावरुन प्रवाशांना प्रवास करणे महाग होणार आहे. विमानतळ भाडे नियंत्रक-विमानतळ आर्थिक नियामक (AERA) यांनी तिकिटाने गोळा केलेल्या उपयोगकर्ता विकास शुल्कांमध्ये 120 टक्के वाढ केली आहे. नवीन दर 4 महिन्यांसाठी आहे. नवी दिल्ली आणि मुंबईनंतर देशात तिसऱ्या सर्वात व्यस्त विमानतळ विस्तार प्रकल्पांसाठी निधी वाढवण्यासाठी ही मंजूरी देण्यात आली आहे.

बंगळूरु विमानतळाने सोमवारी एका निवेदनात म्हटले आहे की, एईआरएच्या आदेशानुसार, यूजर डेव्हलपमेंट दर (यूडीएफ) 139 रुपयांनी वाढवून 306 रुपये करण्यात आला आहे. आंतरराष्ट्रीय उड्डाणच्या बाबतीत 1 हजार 226 रुपये असेल, जो आधी 558 रुपये होता. नवीन दर मंगळवारी जाहीर करण्यात येतील.

घरगुती आणि आंतरराष्ट्रीय प्रवासासाठी नवीन शुल्क अनुक्रमे 120 टक्के आणि 119 टक्क्यांनी वाढले आहे. सुधारीत दर 16 एप्रिल, ते 15 ऑगस्ट दरम्यान खरेदी केलेल्या तिकिटांवर लागू होईल. वाढीव शुल्क 16 ऑगस्टपासून मागे घेतले जाईल.