मारहाणीत महाविद्यालयीन विद्यार्थ्याचा मृत्यू

नागपुर : नागपुरातील जीएस महाविद्यालयाचा विद्यार्थी राहुल तिवारी याचा मृत्यू विद्यार्थ्यानं केलेल्या माराहाणीत झाल्याचा आरोप राहुलच्या नातेवाईकांनी केला आहे. याप्रकरणी महाविद्यालयाचे प्राचार्य आणि प्रशासन दिशाभूल करत असल्याचा आरोपही त्यांनी केलाय. राहुल जीएस महाविद्यालयाचा बारावीचा विद्यार्थी होता. दुपारी साडेतीनच्या सुमारास तो महाविद्यालयातच निपचीत पडला होता. त्याला तातडीने खाजगी रुग्णालयात दाखल करण्यात आलं मात्र त्याला मृत्यू झाला.

क्षुल्लक कारणावरून वाद

 अंबाझरी पोलिसांनी याप्रकरणी प्रथम आकस्मिक मृत्यूची नोंद केलीय. राहुलच्या काही मित्रांनी कुटुंबियांना दिलेल्या माहितीनुसार  वर्गात क्षुल्लक कारणावरून झालेल्या वादात विद्यार्थ्यानं केलेल्या मारहाणीत राहुलच्या डोक्याला गंभीर दुखापत झाली होती.